ಕಾಫಿ ತೋಟದಿಂದ ರಸ್ತೆ ದಾಟಿದ ಕಾಡಾನೆ ಹಿಂಡು

ಮಡಿಕೇರಿ: ಮಡಿಕೇರಿ ತಾಲ್ಲೂಕಿನ ಬೆಟ್ಟತ್ತೂರಿನ ಬಳಿ ಕಾಫಿ ತೋಟವೊಂದರಿಂದ ಬಂದ ಕಾಡಾನೆಗಳ ಹಿಂಡೊಂದು, ರಸ್ತೆ ದಾಟಿ ಮತ್ತೆ ಅರಣ್ಯ ಪ್ರದೇಶಕ್ಕೆ ಸಾಗಿರುವ ವಿಡಿಯೊ ವೈರಲ್‌ ಆಗಿದೆ.

ಅಂದಾಜು 8 ಆನೆಗಳ ಈ ಗುಂಪು ಕಾಫಿ ತೋಟದಿಂದ ಏಕಾಏಕಿ ರಸ್ತೆ ದಾಟಿ ಮತ್ತೊಂದು ಕಾಫಿ ತೋಟಕ್ಕೆ ನುಗ್ಗಿದೆ.‌ ಇದನ್ನು ಸ್ಥಳೀಯರು ಮೊಬೈಲ್‌ನಲ್ಲಿ ಸೆರೆ ಹಿಡಿದಿದ್ದಾರೆ.

ವಿರಾಜಪೇಟೆ ಹಾಗೂ ಮಾಲ್ದಾರೆ, ಸಿದ್ದಾಪುರ ಸೇರಿದಂತೆ ಹಲವೆಡೆ ಕಾಡಾನೆಗಳ ಹಾವಳಿ ವಿಪರೀತವಾಗಿದೆ‌.