ಕುಶಾಲನಗರ: ಮನೆ ಗೋಡೆ ಕುಸಿದು ಇಬ್ಬರಿಗೆ ಗಾಯ

ಕುಶಾಲನಗರ : ತಾಲ್ಲೂಕಿನ ಕೂಡುಮಂಗಳೂರು ಗ್ರಾಮ ಪಂಚಾಯತಿ ವ್ಯಾಪ್ತಿಯ ವಿಜಯನಗರ ಜನತಾ ಕಾಲೊನಿಯಲ್ಲಿ ಮಳೆಗಾಳಿಗೆ  ಮನೆಯ ಗೋಡೆ ಕುಸಿದು ಕೇಶವಮೂರ್ತಿ, ಜಯ ಎಂಬುವವರಿಗೆ  ಗಾಯವಾಗಿದೆ, ಅಪಾರ ಹಾನಿ ಸಂಭವಿಸಿದೆ.

ಮನೆಯಲ್ಲಿದ್ದ  ಇವರಿಬ್ಬರ ಮೇಲೆ ಮನೆಯ ಚಾವಣಿ ಕುದಿದೆ. ಕೇಶವಮೂರ್ತಿಯ  ತಲೆಗೆ  ಗಾಯವಾಗಿದೆ. ಜಯ ಸಣ್ಣಪುಟ್ಟ ಗಾಯಗಳೊಂದಿಗೆ ಅಪಾಯದಿಂದ ಪಾರಾಗಿದ್ದಾರೆ.

ಕೇಶವಮೂರ್ತಿ ಅವರನ್ನು ಮಡಿಕೇರಿಯ ಜಿಲ್ಲಾ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ.  ಸ್ಥಳಕ್ಕೆ ತಾಲ್ಲೂಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರ ಪರಮೇಶ್ವರ್, ಕೂಡುಮಂಗಳೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷ ಭಾಸ್ಕರ್ ನಾಯಕ್ ಹಾಗೂ ಪಿಡಿಒ ಸಂತೋಷ್ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.