ಮಡಿಕೇರಿ: ಮಹಿಳೆ ಕೊಲೆ; ಆರೋಪಿ ಬಂಧನ

ಮಡಿಕೇರಿ: ಕುಶಾಲನಗರ ತಾಲ್ಲೂಕಿನ ಅಂದಗೋವೆ ಗ್ರಾಮದ ನಿವಾಸಿ ಲತಾ (45) ಅವರನ್ನು ದೊಣ್ಣೆಯಿಂದ ಹೊಡೆದು ಕೊಲೆ ಮಾಡಿದ ಆರೋಪದ ಮೇರೆಗೆ ಮುತ್ತ (60) ಎಂಬಾತನನ್ನು ಬಂಧಿಸಲಾಗಿದೆ.

ಲತಾ ಮತ್ತು ಮುತ್ತ ಒಟ್ಟಿಗೆ ವಾಸ ಮಾಡುತ್ತಿದ್ದರು. ಭಾನುವಾರ ರಾತ್ರಿಯೇ ಲತಾ ಅವರ ಕೊಲೆಯಾಗಿದೆ. ಹಾಗಿದ್ದರೂ ಆರೋಪಿ ಯಾರಿಗೂ ತಿಳಿಸಿರಲಿಲ್ಲ‌. ಅನುಮಾನಾಸ್ಪದವಾಗಿ, ಒಬ್ಬನೇ ಓಡಾಡುತ್ತಿರುವುದನ್ನು ಗಮನಿಸಿ ಸ್ಥಳೀಯರು ಪರಿಶೀಲಿಸಿದಾಗ ಕೊಲೆಯಾಗಿರುವುದು ಸೋಮವಾರ ಗೊತ್ತಾಗಿದೆ. ಕೂಡಲೇ ಆರೋಪಿಯನ್ನು ಬಂಧಿಸಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.