ಬೆಂಗಳೂರು ಉತ್ತರ ವಿವಿ ಜೊತೆ ಹರಿಯಾಣದ ವಿ.ವಿ ಒಡಂಬಡಿಕೆ

ಕೋಲಾರ: ಬೆಂಗಳೂರು ಉತ್ತರ ವಿಶ್ವವಿದ್ಯಾಲಯ ಹಾಗೂ ಹರಿಯಾಣದ ರೋಹ್ತಕ್‌ ಮಹರ್ಷಿ ದಯಾನಂದ ವಿಶ್ವವಿದ್ಯಾಲಯ ನಡುವೆ ಒಡಂಬಡಿಕೆಯಾಗಿದ್ದು, ಉತ್ತರ ವಿಶ್ವವಿದ್ಯಾಲಯದ ಸಮಾಜ ಕಾರ್ಯ ವಿಭಾಗದ 10 ವಿದ್ಯಾರ್ಥಿಗಳು ಹಾಗೂ ಇಬ್ಬರು ಅಧ್ಯಾಪಕರು ಫೆ.16ರಂದು ಹರಿಯಾಣಕ್ಕೆ ತೆರಳಲಿದ್ದಾರೆ.

ವಿನಿಮಯ ಕಾರ್ಯಕ್ರಮ ಒಂದು ವಾರ ನಡೆಯಲಿದ್ದು, ಕುಲಪತಿ ಪ್ರೊ.ನಿರಂಜನ ವಾನಳ್ಳಿ ಹಾಗೂ ಕುಲಸಚಿವ ಡಾ.ಡಿ.ಆರ್.ಅಶೋಕ್ ಪಾಲ್ಗೊಳ್ಳಲಿದ್ದಾರೆ.

ಇದೇ ಮೊದಲ ಬಾರಿ ನಡೆದಿರುವ ಈ ವಿನಿಮಯ ಕಾರ್ಯಕ್ರಮದ ಉದ್ಘಾಟನೆ ಫೆ.19ರಂದು ಬೆಳಿಗ್ಗೆ ರೋಹ್ತಕ್‌ನಲ್ಲಿ ನಡೆಯಲಿದೆ ಎಂದು ಪ್ರಕಟಣೆಯಲ್ಲಿ ಕುಲಪತಿ ತಿಳಿಸಿದ್ದಾರೆ.