ಯಲಬುರ್ಗಾ: ಗಾಂಧಿಗ್ರಾಮ ಪುರಸ್ಕಾರ ಅರ್ಹತಾ ಪಟ್ಟಿಯಲ್ಲಿ ‘ಬೇವೂರ’

ಯಲಬುರ್ಗಾ: ತಾಲ್ಲೂಕಿನ ಬೇವೂರು ಗ್ರಾಮ ಪಂಚಾಯಿತಿ ಕಚೇರಿಗೆ ಜಿಲ್ಲಾ ಪಂಚಾಯಿತಿ ಉಪ ಕಾರ್ಯದರ್ಶಿ ಕೃಷ್ಣಮೂರ್ತಿ.ಟಿ ಅವರು ಭೇಟಿ ನೀಡಿ 2024-25ನೇ ಸಾಲಿನ ಗಾಂಧಿ ಗ್ರಾಮ ಪುರಸ್ಕಾರದ ವಿವಿಧ ದಾಖಲಾತಿಗಳನ್ನು ಪರಿಶೀಲಿಸಿದರು.

ಯಲಬುರ್ಗಾ ತಾಲ್ಲೂಕಿನ ಬೇವೂರ, ಚಿಕ್ಕಮ್ಯಾಗೇರಿ, ಮುಧೋಳ ಗ್ರಾಮ ಪಂಚಾಯತಿಗಳು 2024-25ನೇ ಗಾಂಧಿ ಗ್ರಾಮ ಪುರಸ್ಕಾರದ ಅರ್ಹತಾ ಪಟ್ಟಿಯಲ್ಲಿರುವುದರಿಂದ ಅದಕ್ಕೆ ಸಂಬಂಧಿಸಿದಂತೆ ದಾಖಲಾತಿಗಳನ್ನು ಪರಿಶೀಲಿಸಿ ಪರಾಮರ್ಶೆಗೆ ಒಳಪಡಿಸಿದರು.

ಪಂಚಾಯಿತಿ ವ್ಯಾಪ್ತಿಯ ವಿವಿಧ ಗ್ರಾಮದಲ್ಲಿ ಸ್ವಚ್ಛತೆ, ಕರವಸೂಲಾತಿ, ಎಸ್‌ಬಿಎಂ, ಜೆಜೆಎಂ, ಸಮುದಾಯ ಶೌಚಾಲಯ, ಸೋಲಾರ್ ವ್ಯವಸ್ಥೆ, ವಿಂಡ್ ಫ್ಯಾನ್ ಮೊಬೈಲ್ ತೆರಿಗೆ ಸೇರಿದಂತೆ ಅಗತ್ಯ ಮಾಹಿತಿ ಪರಿಶೀಲಸಿದರು.

ಜಿ.ಪಂ ವಸತಿ ಅಧೀಕ್ಷಕ ಹುಸೇನಸಾಬ್, ಗ್ರಾಪಂ ಪಿಡಿಒ ಅಬ್ದುಲ್ ಗಫಾರ ಸೇರಿದಂತೆ ಇತರರಿದ್ದರು.