ಕುಷ್ಟಗಿ: ನೂತನ ತಾಲೂಕು ಪಂಚಾಯಿತಿ ಇಒಗೆ ಸನ್ಮಾನ

ಕುಷ್ಟಗಿ: ಇಲ್ಲಿಯ ತಾಲ್ಲೂಕು ಪಂಚಾಯಿತಿ ನೂತನ ಕಾರ್ಯನಿರ್ವಹಣಾಧಿಕಾರಿಯಾಗಿ ಡಾ.ಜಯರಾಮ ಚವ್ಹಾಣ ಮಂಗಳವಾರ ಅಧಿಕಾರ ವಹಿಸಿಕೊಂಡರು.

ಅಧಿಕಾರ ಸ್ವೀಕರಿಸಿದ ಡಾ.ಚವ್ಹಾಣ ಅವರನ್ನು ತಾಲ್ಲೂಕು ಘಟಕದ ಸರ್ಕಾರಿ ನೌಕರರ ಸಂಘದ ಪದಾಧಿಕಾರಿಗಳು ಹಾಗೂ ಪಶುಪಾಲನೆ ಹಾಗೂ ಪಶುವೈದ್ಯ ಇಲಾಖೆ ನೌಕರರು ಸನ್ಮಾನಿಸಿ ಸ್ವಾಗತಿಸಿದರು. ಸಂಘದ ಗೌರವ ಅಧ್ಯಕ್ಷ ಬಾಲಾಜಿ ಬಳಿಗಾರ, ಹಿರಿಯ ಪಶುವೈದ್ಯಾಧಿಕಾರಿ ಡಾ.ಸಿದ್ಧಲಿಂಗಯ್ಯ ಶೆಂಕೀನ, ಆರೋಗ್ಯ ಇಲಾಖೆಯ ಸೋಮಶೇಖರ ಮೇಟಿ, ಶಿಕ್ಷಕ ಶಿವಪ್ಪ ವಾಗ್ಮೋರೆ, ಡಾ.ಸಂತೋಷ್, ಕಾಸೀಂಸಾಬ್, ಸಂಗಪ್ಪ, ಪ್ರವೀಣ ಬಾಳಿಗಿಡದ, ಕರೀಂಸಾಬ್ ಹಾಗೂ ರಿಯಾಜ ಇದ್ದರು.