ಹನುಮಸಾಗರ: ಆಧಾರ್ ತಿದ್ದುಪಡಿಗೆ ಅಲೆದಾಟ

ಹನುಮಸಾಗರ: ಕೊಪ್ಪಳ ಜಿಲ್ಲೆಯ ಅತಿದೊಡ್ಡ ಹೋಬಳಿಯೆನಿಸಿಕೊಳ್ಳುವ ಹನುಮಸಾಗರ ಈಗ ಆಡಳಿತಾತ್ಮಕ ನಿರ್ಲಕ್ಷ್ಯದ ಬಲಿಯಾಗಿದೆ. ಹೋಬಳಿಯ 7 ಗ್ರಾಮ ಪಂಚಾಯತಿಗಳು ಮತ್ತು 49 ಹಳ್ಳಿಗಳ ಜನರು ಆಧಾರ್ ತಿದ್ದುಪಡಿ ಮತ್ತು ಹೊಸ ನೋಂದಣೆಗೆ ಬಳಸಲಾಗದೇ ಸಂಕಷ್ಟಕ್ಕೆ ಸಿಲುಕಿದ್ದಾರೆ.

ಕಳೆದ ಒಂದೂವರೆ ವರ್ಷಗಳಿಂದ ಹೋಬಳಿ ಮಟ್ಟದಲ್ಲಿ ಆಧಾರ್ ಸೇವೆ ಲಭ್ಯವಿಲ್ಲ. ಸಣ್ಣ ತಿದ್ದುಪಡಿಯಿಗೂ ಜನ 30 ಕಿಲೋಮೀಟರ್ ದೂರದ ತಾಲೂಕು ಕೇಂದ್ರಕ್ಕೇ ಹೀಗಬೇಕು. ಹಿರಿಯ ನಾಗರಿಕರು, ಅಂಗವಿಕಲರು, ಬಡವವರು, ಮಹಿಳೆಯರಿಗೆ ತೊಂದರೆಯಾಗಿದೆ. 

ಮಕ್ಕಳ ಶಾಲಾ ಪ್ರವೇಶ, ಪಿಂಚಣಿ, ಸರ್ಕಾರದ ಯೋಜನೆಗಳ ಲಾಭ, ಬ್ಯಾಂಕ್ ಸೇವೆಗಳು ಎಲ್ಲಕ್ಕೂ ಆಧಾರ್‌ ಬೇಕು. ಆಧಾರ್ ಕಾರ್ಡ್ ತಿದ್ದುಪಡಿ ಇಲ್ಲದ ಕಾರಣದಿಂದ ತಡವಾಗುತ್ತಿದೆ, ಇತ್ತೀಚಿಗೆ ಬ್ಯಾಂಕ್‌ಗಳಲ್ಲಿ ಆಧಾರ್ ತಿದ್ದುಪಡಿ ಸೇವೆಯನ್ನು ನಿರ್ಮಿಸಲಾಗಿತ್ತು, ಸರ್ವರ್ ಇಲ್ಲದ ಕಾರಣ ಆರು ತಿಂಗಳಿಂದ ಸರಿಯಾಗಿ ಆಧಾರ್ ಕಾರ್ಡ್ ಮಾಡುವವರ ಕೊರತೆ ಉಂಟಾಗಿದೆ.

ಸ್ಥಳೀಯರ ಪ್ರಕಾರ, ಹನುಮಸಾಗರದಲ್ಲಿರುವ ನಾಡಕಚೇರಿ ಕಟ್ಟಡ, ಪಂಚಾಯಿತಿ ಕಚೇರಿ ಮತ್ತು ಸಾರ್ವಜನಿಕ ಸೇವಾ ಕೇಂದ್ರಗಳು ಇದ್ದರೂ, ಆಧಾರ್ ಕಾರ್ಡ್ ತಿದ್ದುಪಡಿಗೆ ಒಂದು ಕೇಂದ್ರ ನಿಯೋಜನೆ ಇಲ್ಲದಿರುವುದು ಭಾರಿ ಕೊರತೆ ಉಂಟುಮಾಡಿದೆ.  

ಜಿಲ್ಲಾಧಿಕಾರಿ, ತಹಶೀಲ್ದಾರ್ ತಕ್ಷಣವೇ ಕ್ರಮ ಕೈಗೊಂಡು ಹನುಮಸಾಗರದಲ್ಲಿ ಆಧಾರ್ ತಿದ್ದುಪಡಿ ಕೇಂದ್ರ ಆರಂಭಿಸಬೇಕು ಎಂಬುದು ಸಾರ್ವಜನಿಕರ ಒತ್ತಾಯವಾಗಿದೆ.