ಮಳೆ, ಗಾಳಿಗೆ ಬಸ್‌ ನಿಲ್ದಾಣ, ಮನೆಗಳಿಗೆ ಜಖಂ

ಕೊಪ್ಪಳ: ಜಿಲ್ಲೆಯ ಯಲಬುರ್ಗಾ ಮತ್ತು ಕುಷ್ಟಗಿ ತಾಲ್ಲೂಕಿನಲ್ಲಿ ಮಂಗಳವಾರ ಬಿರುಗಾಳಿ ಸಮೇತ ಮಳೆಯಾಗಿದ್ದು, ಗಾಳಿಗೆ ಕುಕನೂರ ತಾಲ್ಲೂಕಿನ ಬನ್ನಿಕೊಪ್ಪದ ಬಸ್‌ ನಿಲ್ದಾಣ ಛಾವಣಿ ಕುಸಿದು ಬಿದ್ದಿದೆ.

ಕುಷ್ಟಗಿ ತಾಲ್ಲೂಕಿನಲ್ಲಿ ಸಾಧಾರಣ ಮಳೆಯಾಗಿದೆ. ಗಾಳಿ ಆರ್ಭಟ ಜೋರಾಗಿತ್ತು. ಬಿರುಗಾಳಿಯಿಂದ ಮನೆಗಳ ಪತ್ರಾಸ್‌ ಸೀಟುಗಳು ಹಾರಿ ಹೋಗಿವೆ. ಸಿಡಿಲಿಗೆ ಎತ್ತು ಬಲಿಯಾಗಿದೆ. ಜಿಲ್ಲೆಯಾದ್ಯಂತ ಬೆಳಗಿನಿಂದ ಬಿಸಿಲಿನ ಪ್ರಖರತೆ ಹೆಚ್ಚಾಗಿತ್ತು. ಬಿಸಿಲಿನ ತಾಪದಿಂದ ರಸ್ತೆಯಲ್ಲಿ ಕೂಡಾ ಜನದಟ್ಟಣೆ ಕಡಿಮೆಯಿತ್ತು.ಮೋಡ ಕವಿದ ವಾತಾವರಣ ಇದ್ದು, ಮಳೆಯಾಗುವ ಮುನ್ಸೂಚನೆ ಇದೆ.