ಕೊಪ್ಪಳ: ತುಂಗಭದ್ರಾ ನದಿ ನೀರಿನ ನಡುವೆ ಸಿಲುಕಿದವರ ರಕ್ಷಣಾ ಕಾರ್ಯಾಚರಣೆ

ಕೊಪ್ಪಳ: ಜಿಲ್ಲೆಯ ‌ಮುನಿರಾಬಾದ್ ಸಮೀಪದ ಶಿವಪುರ ಗಡ್ಡೆಯಲ್ಲಿ ಹೊಲದ‌ ಕೆಲಸಕ್ಕೆ ಹೋಗಿದ್ದ ಕೆಲವರು ತುಂಗಭದ್ರಾ ನದಿಯ ನೀರಿನ ನಡುವೆ ಸಿಲುಕಿದ್ದಾರೆ.

ದನಕರುಗಳನ್ನು ಮೇಯಿಸಲು ಹೊಲದ ಕಡೆ ಹೋದವರು ವಾಪಸ್ ಬಂದಿಲ್ಲ. ತುಂಗಭದ್ರಾ ನೀರಿನ ರಭಸ ಹೆಚ್ಚಾಗುತ್ತಿರುವ ಕಾರಣ ಅಲ್ಲಿಯೇ ಉಳಿದುಕೊಂಡಿದ್ದಾರೆ. ಒಟ್ಟು ಹತ್ತು ಜನ ಸಿಲುಕಿದ್ದು, ಅವರಿದ್ದ ಸ್ಥಳಕ್ಕೆ ಎನ್ ಡಿ ಆರ್ ಎಫ್ ತಂಡದ ಸಿಬ್ಬಂದಿ ಹಾಗೂ ಕೊಪ್ಪಳ ತಹಶೀಲ್ದಾರ್ ವಿಠ್ಠಲ ಚೌಗುಲಾ ತೆರಳಿದ್ದಾರೆ. ಸಿಲುಕಿ ಬಿದ್ದವರನ್ನು ಸುರಕ್ಷಿತ ಸ್ಥಳಕ್ಕೆ ಕರೆದುಕೊಂಡು ಬರುವ ಪ್ರಕ್ರಿಯೆ ನಡೆಯುತ್ತಿದೆ.