ಕುಕನೂರು: ಬೇರೆ ಪ್ರತಿಮೆಗಳ ಸ್ಥಾಪನೆಗೆ ತಕರಾರು

ಕುಕನೂರು: ಪಟ್ಟಣದಲ್ಲಿನ ಮಾಜಿ ಶಾಸಕ, ಸ್ವಾತಂತ್ರ್ಯ ಹೋರಾಟಗಾರ ಶಿರೂರು ವೀರಭದ್ರಪ್ಪನವರ ವೃತ್ತದಲ್ಲಿ ಅವರ ಪ್ರತಿಮೆ ಹೊರತುಪಡಿಸಿ ಬೇರೆ ಪ್ರತಿಮೆಗಳನ್ನು ಸ್ಥಾಪನೆ ಮಾಡಬಾರದು ಎಂದು ಶಿವಶರಣೆ ಹೇಮರಡ್ಡಿ ಮಲ್ಲಮ್ಮ ಕ್ಷೇಮಾಭಿವೃದ್ಧಿ ಸಂಘದ ಪದಾಧಿಕಾರಿಗಳು ಶನಿವಾರ ಪಟ್ಟಣ ಪಂಚಾಯಿತಿ ಅಧಿಕಾರಿ ಬಸವರಾಜ ಅವರಿಗೆ ಮನವಿ ಸಲ್ಲಿಸಿದರು.

ಸಂಘದ ಅಧ್ಯಕ್ಷ ಸಂಗಪ್ಪ ವಕ್ಕಳದ ಮಾತನಾಡಿ, ಪಟ್ಟಣದ ಪ್ರಮುಖ ವೃತ್ತದಲ್ಲಿ ಮಾಜಿ ಶಾಸಕ, ಸ್ವಾತಂತ್ರ್ಯ ಹೋರಾಟಗಾರ ದಿ.ಶಿರೂರು ವೀರಭದ್ರಪ್ಪ ಅವರ ಹೆಸರಿನಲ್ಲಿ ವೃತ್ತ ನಿರ್ಮಿಸಿದ್ದು, ಅನೇಕ ದಶಕಗಳಿಂದ ಆ ವೃತ್ತಕ್ಕೆ ಶಿರೂರು ವೀರಭದ್ರಪ್ಪ ವೃತ್ತವೆಂದು ಕರೆಯಲಾಗುತ್ತಿದೆ. 4 ವರ್ಷಗಳ ಹಿಂದೆ ಅನುಮತಿಯ ಮೇರೆಗೆ ನಮ್ಮ ಸಂಘ ಅವರ ಪ್ಲೆಕ್ಸ್ ಬೋರ್ಡ್ ಸ್ಥಾಪಿಸಿದೆ. ಈಗ ವೃತ್ತದಲ್ಲಿ ಬೇರೆ ಯಾವುದೇ ಮೂರ್ತಿ ನಿರ್ಮಿಸಬಾರದು’ ಎಂದರು.

ಕಾರ್ಯದರ್ಶಿ ದೇವಪ್ಪ ಅರಕೇರಿ, ಗ್ರಾಪಂ ಸದಸ್ಯ ಬಸವರಾಜ ರೆಡ್ಡಿ ಬಿಡನಾಳ ಇದ್ದರು.