ಅಪ್ಪನಹಳ್ಳಿ: ಚರಂಡಿ ಸ್ವಚ್ಛತೆಗೆ ಆಗ್ರಹ

ಸಂತೇಬಾಚಹಳ್ಳಿ: ಅಪ್ಪನಹಳ್ಳಿಯಲ್ಲಿ ಸಮರ್ಪಕ ಚರಂಡಿ ವ್ಯವಸ್ಥೆ ಇಲ್ಲದೆ, ಕೊಳಚೆ ನೀರು ನಿಂತು ದುರ್ವಾಸನೆ ಬೀರುತ್ತಿದೆ.

ಗ್ರಾಮದ ಗೌರಮ್ಮ ಮಾತನಾಡಿ, ‘ವೀರಭದ್ರ ಸ್ವಾಮಿ ರಂಗದ ಬೀದಿಯ ಚರಂಡಿಗಳಲ್ಲಿ ಹೂಳು ತುಂಬಿಕೊಂಡಿದೆ. ಕೊಳಚೆ ನೀರು ನಿಂತು ಸೊಳ್ಳೆಗಳ ಉತ್ಪತ್ತಿ ಹೆಚ್ಚಾಗಿದೆ. ಸ್ವಚ್ಛಗೊಳಿಸುವಂತೆ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ಹಾಗೂ ಗ್ರಾ.ಪಂ. ಸದಸ್ಯರ ಗಮನಕ್ಕೆ ತಂದರೂ ಯಾವುದೇ ಪ್ರಯೋಜನವಾಗಿಲ್ಲ. ಗ್ರಾಮಸಭೆ ಹಾಗೂ ವಾರ್ಷಿಕ ಸಭೆಗಳಲ್ಲಿ ತಿಳಿಸಿದರೂ ಬಗೆಹರಿಸಿಲ್ಲ. ಸ್ವಚ್ಛತಾ ಕಾರ್ಯ ಕೈಗೊಳ್ಳಬೇಕು’ ಎಂದು ಒತ್ತಾಯಿಸಿದರು.

ನಟರಾಜು, ನಂಜಮಾಣಿ, ರಘು, ಬಾಲಕೃಷ್ಣ ಇದ್ದರು.