ಮಳವಳ್ಳಿ: ಲಾಟರಿ ಮೂಲಕ ಅಧ್ಯಕ್ಷ, ಉಪಾಧ್ಯಕ್ಷರ ಆಯ್ಕೆ

ಮಳವಳ್ಳಿ: ತಾಲ್ಲೂಕಿನ ನೆಲಮಾಕನಹಳ್ಳಿ ಗ್ರಾಮ ಪಂಚಾಯಿತಿಯ ಅಧ್ಯಕ್ಷ, ಉಪಾಧ್ಯಕ್ಷ ಸ್ಥಾನಕ್ಕೆ ಮಂಗಳವಾರ ನಡೆದ ಚುನಾವಣೆಯಲ್ಲಿ ಲಾಟರಿ ಮೂಲಕ ಅಧ್ಯಕ್ಷರಾಗಿ ಜೆಡಿಎಸ್ ಬೆಂಬಲಿತ ಎನ್.ಎಸ್.ಸಿದ್ದಯ್ಯ ಹಾಗೂ ಉಪಾಧ್ಯಕ್ಷರಾಗಿ ಮಂಗಳಮ್ಮ ಚುನಾಯಿತರಾದರು.

16 ಸದಸ್ಯ ಬಲದ ಪಂಚಾಯಿತಿಯಲ್ಲಿ ಅಧ್ಯಕ್ಷ ಸ್ಥಾನಕ್ಕೆ ಎನ್.ಎಸ್.ಸಿದ್ದಯ್ಯ ಮತ್ತು ಶಿವರಾಮು ಹಾಗೂ ಉಪಾಧ್ಯಕ್ಷ ಸ್ಥಾನಕ್ಕೆ ಮಂಗಳಮ್ಮ ಮತ್ತು ಶಕುಂತಲಾ ನಾಮಪತ್ರ ಸಲ್ಲಿಸಿದರು. ನಂತರ ನಡೆದ ಗೌಪ್ಯ ಮತದಾತದಲ್ಲಿ ಎನ್.ಎಸ್.ಸಿದ್ದಯ್ಯ ಮತ್ತು ಶಿವರಾಮು ಹಾಗೂ ಮಂಗಳಮ್ಮ ಮತ್ತು ತಲಾ 8 ಮತ ಪಡೆದುಕೊಂಡರು. ಚುನಾವಣಾಧಿಕಾರಿಯಾಗಿದ್ದ ರೇಷ್ಮೆ ಇಲಾಖೆಯ ಸಹಾಯಕ ನಿರ್ದೇಶಕ ಸ್ವಾಮಿ ವಿವೇಕಾ ನಂದ ಅವರು ಲಾಟರಿ ಆಯ್ಕೆ ಪ್ರಕ್ರಿಯೆ ನಡೆಸಿದರು. ಲಾಟರಿಯಲ್ಲಿ ಅದೃಷ್ಟ ಎನ್.ಎಸ್.ಸಿದ್ದಯ್ಯ ಹಾಗೂ ಮಂಗಳಮ್ಮ ಅವರಿಗೆ ಒಲಿಯಿತು.

ಸದಸ್ಯರಾದ ಸಿದ್ದರಾಜು, ರಾಮದಾಸು, ಮನೋಮಣಿ, ವರಲಕ್ಷ್ಮಿ, ಭಾಗ್ಯ ಇದ್ದರು.