ಹುಣಸೂರು | ಹುಲಿಯೊಂದಿಗೆ ಕಾದಾಟ; ಹೆಣ್ಣು ಚಿರತೆ ಸಾವು

ಹುಣಸೂರು: ನಾಗರಹೊಳೆ ರಾಷ್ಟ್ರೀಯ ಉದ್ಯಾನ ವ್ಯಾಪ್ತಿಯ ದೊಡ್ಡಹಳ್ಳದ ಬಳಿ ಸುಮಾರು 9 ವರ್ಷದ ಹೆಣ್ಣು ಚಿರತೆ ಹುಲಿ ದಾಳಿಗೆ ಮೃತಪಟ್ಟಿದ್ದು, ಶುಕ್ರವಾರ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ಅರಣ್ಯದಲ್ಲಿ ಪ್ರಾಣಿಗಳ ಕಾದಾಟ ಸ್ವಾಭಾವಿಕವಾಗಿದ್ದು, ಹುಲಿಯು ಚಿರತೆ ಮೇಲೆ ಆಕ್ರಮಣ ನಡೆಸಿ ಸಾಯಿಸಿದೆ ಎಂದು ಹುಲಿ ಯೋಜನೆ ನಿರ್ದೇಶಕ ಹರ್ಷಕುಮಾರ್ ಚಿಕ್ಕನರಗುಂದ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಕಾದಾಟದಲ್ಲಿ ಮೃತಪಟ್ಟ ಚಿರತೆಯನ್ನು ಇಲಾಖೆ ಪಶುವೈದ್ಯಾಧಿಕಾರಿ ಡಾ.ರಮೇಶ್, ಡಾ.ಚಂದ್ರಶೇಖರ್ ಮರಣೋತ್ತರ ಪರೀಕ್ಷೆ ನಡೆಸಿದರು. ಸ್ಥಳದಲ್ಲಿ ಎಸಿಎಫ್ ಗೋಪಾಲ್, ಆರ್.ಎಫ್.ಒ ಮೊಹಮ್ಮದ್ ಜೀಷನ್ ಸೇರಿದಂತೆ ಇಲಾಖೆ ಸಿಬ್ಬಂದಿ ಇದ್ದರು.