ಮೈಸೂರು: ಚಾಮರಾಜೇಂದ್ರ ಮೃಗಾಲಯದ ಹೆಣ್ಣು ಹುಲಿ ‘ಪ್ರೀತಿ’ ಸಾವು

ಮೈಸೂರು: ಇಲ್ಲಿನ ಚಾಮರಾಜೇಂದ್ರ ಮೃಗಾಲಯದಲ್ಲಿ ಸಂದರ್ಶಕರನ್ನು ಆಕರ್ಷಿಸುತ್ತಿದ್ದ ಹೆಣ್ಣು ಹುಲಿ ‘ಪ್ರೀತಿ’ ಶನಿವಾರ ನಸುಕಿನಲ್ಲಿ ಮೃತಪಟ್ಟಿದೆ.

ಇದೇ ಮೃಗಾಲಯದ ‘ತಾರಾ’– ‘ರಾಕಿ’ ಹುಲಿಗಳಿಗೆ 2022ರ ಏ.27ರಂದು ಜನಿಸಿದ್ದ ‘ಪ್ರೀತಿ’ಗೆ 3 ವರ್ಷ 9 ತಿಂಗಳು ವಯಸ್ಸಾಗಿತ್ತು. ಅನಾರೋಗ್ಯದಿಂದಾಗಿ (ಮಿದುಳಿನ ಪೊರೆಗಳ ಉರಿಯೂತ) ಕಳೆದ ಐದು ದಿನಗಳಿಂದ ಆಹಾರ ತ್ಯಜಿಸಿತ್ತು. ಮೃಗಾಲಯದ ಪಶುವೈದ್ಯರು ಚಿಕಿತ್ಸೆ ನೀಡುತ್ತಿದ್ದರು ಎಂದು ಕಾರ್ಯನಿರ್ವಾಹಕ ನಿರ್ದೇಶಕಿ ಅನುಷಾ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.