ಬಲೆಗೆ ಬಿದ್ದ 31 ಕೆ.ಜಿ ತೂಕದ ಮೀನು

ಆಲಮಟ್ಟಿ: ಆಲಮಟ್ಟಿ ಜಲಾಶಯದ ಹಿನ್ನೀರಿನಲ್ಲಿ ಶುಕ್ರವಾರ ಬರೋಬ್ಬರಿ 31 ಕೆ.ಜಿ.ತೂಕದ ಮೀನು ಬಲೆಗೆ ಬಿದ್ದಿದೆ.

ಇಲ್ಲಿಯ ಚಿಮ್ಮಲಗಿ ಭಾಗ-1 ಎ ಗ್ರಾಮದ ಮೀನುಗಾರ ಮುತ್ತಪ್ಪ ಬಾಬು ಕಟ್ಟಿಮನಿ ಅವರು ಹಾಕಿದ ಬಲೆಗೆ ಕಟ್ಲಾ ಜಾತಿಯ ಮೀನು ಬಿದ್ದಿದೆ. ಯಮನೂರಿ ಕಟ್ಟಿಮನಿ, ಮುತ್ತಪ್ಪ ಶಿಳ್ಳೆಕ್ಯಾತರ್ ಇದ್ದರು.

‘ನೀರಿಗೆ ಬಲೆ ಬೀಸಿದಾಗ ಎಷ್ಟು ಜಗ್ಗಿದರೂ ಮೇಲಕ್ಕೆತ್ತಲು ಸಾಧ್ಯವಾಗಲಿಲ್ಲ. ಮೂವರೂ ಸೇರಿ ಜೋರಾಗಿ ಬಲೆ ಎಳೆಯುತ್ತಾ ದಂಡೆಗೆ ತಂದಾಗ ದೊಡ್ಡ ಮೀನು ಸಿಕ್ಕಿತ್ತು. ಎಂದು ಮುತ್ತಪ್ಪ ಕಟ್ಟಿಮನಿ ಹೇಳಿದರು.