ಜೋಕಾಲಿ, ಅಂಗಡಿ ಜಾಗದ ಬಾಡಿಗೆ ಹರಾಜು

ಮುದಗಲ್: ಮೊಹರಂ ಅಂಗವಾಗಿ ಪುರಸಭೆ ಸಭಾಂಗಣದಲ್ಲಿ ಕೋಟೆಯ ಕಾಟೆ ದರ್ವಾಜ್ ಮುಂಭಾಗದ ವಿವಿಧ ಅಂಗಡಿಗಳ ಜಾಗ ಹಾಗೂ ಜೋಕಾಲಿ ಬಾಡಿಗೆಗೆ ಶನಿವಾರ ಹರಾಜು ನಡೆಯಿತು.

ಅಂಗಡಿಗಳ ಜಾಗದ ಬಾಡಿಗೆ ವಸೂಲಾತಿ ಹರಾಜನ್ನು ₹4.26 ಲಕ್ಷಕ್ಕೆ ಮುರ್ತುಜಾ ಸಾಬ್ ಖಾಜಾ ಸಾಬ್ ಹಳೆಪೇಟೆ ಅವರು ಪಡೆದರು.

ಜೋಕಾಲಿ ಹರಾಜಿನಲ್ಲಿ ಪಾಲ್ಗೊಂಡಿದ್ದವರ ದಾಖಲಾತಿಗಳು ಸರಿ ಇಲ್ಲದ ಕಾರಣ ಹರಾಜುದಾರನನ್ನು ಪರಿಗಣಿಸಲಿಲ್ಲ ಎಂದು ಮುಖ್ಯಾಧಿಕಾರಿ ಪ್ರವೀಣ ಬೋಗಾರ ತಿಳಿಸಿದರು.

ಪುರಸಭೆ ಉಪಾಧ್ಯಕ್ಷ ಅಜ್ಮೀರ್ ಬೆಳ್ಳಕಟ್, ಸದಸ್ಯರಾದ ಮಹೆಬೂಬ್ ಕಡ್ಡಪುಡಿ, ದುರಗಪ್ಪ ಕಟ್ಟಮನಿ, ಬಾಬು ಉಪ್ಪಾರ ಹಾಗೂ ತಸ್ಲಿಂ ಮುಲ್ಲಾ ಇದ್ದರು.