ಮಸ್ಕಿ | ಜೂಜು ಅಡ್ಡೆ ಮೇಲೆ ದಾಳಿ: 52 ಬೈಕ್ ವಶ

ಮಸ್ಕಿ: ತಾಲ್ಲೂಕಿನ ಹಡಗಲಿ ಗ್ರಾಮದ ಬಳಿ ರಾಯಚೂರು ಜಿಲ್ಲಾ ಪೊಲೀಸ್ ವಿಶೇಷ ತಂಡ ಮತ್ತು ಮಸ್ಕಿ ಪೊಲೀಸ್ ತಂಡ ಜಂಟಿಯಾಗಿ ಜೂಜು ಅಡ್ಡೆ ಮೇಲೆ ಶನಿವಾರ ದಾಳಿ ಮಾಡಿವೆ.

ದಾಳಿ ವೇಳೆ 52 ದ್ವಿಚಕ್ರ ವಾಹನ ಹಾಗೂ ₹2.02 ಲಕ್ಷ ನಗದು ವಶಪಡಿಸಿಕೊಳ್ಳಲಾಗಿದೆ. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಮಾರ್ಗದರ್ಶನದಲ್ಲಿ ಈ ಕಾರ್ಯಾಚರಣೆ ನಡೆದಿದೆ.

ಬಹು ದಿನಗಳಿಂದ ಭಾರಿ ಪ್ರಮಾಣದಲ್ಲಿ ಇಸ್ಪೀಟ್ ಆಟ ನಡೆಯುತ್ತಿತ್ತು ಎನ್ನಲಾಗುತ್ತಿದೆ. 16 ಜನರ ವಿರುದ್ಧ ಮಸ್ಕಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.