ರಾಯಚೂರು ಜಿಲ್ಲೆಯಲ್ಲಿ ಸಾಧಾರಣ ಮಳೆ

ರಾಯಚೂರು: ಜಿಲ್ಲೆಯಾದ್ಯಂತ ಸೋಮವಾರ ಸಾಧಾರಣ ಮಳೆಯಾಗಿದೆ. ರಾಯಚೂರು ನಗರ, ಮಸ್ಕಿ, ಮಾನ್ವಿ, ಲಿಂಗಸುಗೂರ, ಸಿಂಧನೂರು, ದೇವದುರ್ಗ, ಹಟ್ಟಿ ಚಿನ್ನದಗಣಿ ಹಾಗೂ ಜಾಲಹಳ್ಳಿಯಲ್ಲಿ ಸಾಧಾರಣ ಮಳೆ ಸುರಿದಿದೆ.

ಮಸ್ಕಿ ತಾಲ್ಲೂಕಿನ ಗುಡದೂರಿನಲ್ಲಿ 49 ಮಿ.ಮೀ, ಹಾಲಾಪುರ 45 ಮಿ.ಮೀ, ಬಳಗಾನೂರು 38 ಮಿ.ಮೀ, ಮಸ್ಕಿ 32.6 ಹಾಗೂ ಪಾಮನಕೆಲ್ಲೂರಿನಲ್ಲಿ 24.4 ಮಿ.ಮೀ ಮಳೆ ದಾಖಲಾಗಿದೆ.

ಭಾನುವಾರ ವಿಪರೀತ ಸೆಕೆ ಇತ್ತು. ಸೋಮವಾರ ಬೆಳಗಿನ ಜಾವದಿಂದ ಮೋಡಕವಿದ ವಾತಾವರಣ ಇತ್ತು. ಮಸ್ಕಿಯಲ್ಲಿ ಬೆಳಗಿನ ಜಾವ ಮಳೆ ಅಬ್ಬರಿಸಿದರೆ, ಉಳಿದ ಕಡೆ ಮಧ್ಯಾಹ್ನ ಮಳೆ ಬಿದ್ದಿದೆ.