ರಾಮನಗರ: 82 ಮಂದಿಗೆ ಕೋವಿಡ್‌ ದೃಢ

ರಾಮನಗರ: ಜಿಲ್ಲೆಯಲ್ಲಿ ಮಂಗಳವಾರ ಒಟ್ಟು 82 ಕೋವಿಡ್‌-19 ಪಾಸಿಟಿವ್ ಪ್ರಕರಣಗಳು ವರದಿಯಾಗಿದೆ.

ಚನ್ನಪಟ್ಟಣ 20, ಕನಕಪುರ 25, ಮಾಗಡಿ 2 ಮತ್ತು ರಾಮನಗರ 35 ಪ್ರಕರಣಗಳು ಸೇರಿವೆ. ಇವರನ್ನು ರಾಮನಗರ ಜಿಲ್ಲೆಯ ವ್ಯಾಪ್ತಿಗೆ ಒಳಪಡುವ ವಿವಿಧ ಕೋವಿಡ್-19 ಆಸ್ಪತ್ರೆಗಳಿಗೆ ದಾಖಲಿಸಲಾಗಿದೆ.
ಇದುವರೆಗೆ ಜಿಲ್ಲೆಯಲ್ಲಿ 1355 ಪ್ರಕರಣಗಳು ದಾಖಲಾಗಿವೆ. ಈ ಪೈಕಿ ಚನ್ನಪಟ್ಟಣ 312, ಕನಕಪುರ 267, ಮಾಗಡಿ 265 ಮತ್ತು ರಾಮನಗರ 511 ಪ್ರಕರಣಗಳು ಸೇರಿವೆ.

ಮಂಗಳವಾರ ಮಾಗಡಿ ತಾಲ್ಲೂಕಿನಲ್ಲಿ 6 ಜನರು ಗುಣಮುಖರಾಗಿದ್ದಾರೆ. ಜಿಲ್ಲೆಯಲ್ಲಿ ಈವರೆಗೆ ಒಟ್ಟು 572 ಜನರು ಗುಣಮುಖರಾಗಿದ್ದಾರೆ. ಈ ಪೈಕಿ ಚನ್ನಪಟ್ಟಣ 101, ಕನಕಪುರ 145, ಮಾಗಡಿ 155 ಮತ್ತು ರಾಮನಗರದ 171 ಜನರು ಸೇರಿದ್ದಾರೆ.