ಬ್ಯಾಡ್ಮಿಂಟನ್: ದಿಗಂತ್ ಗೌಡ, ಹರ್ಷವರ್ಧನ ಎಸ್. ಅವರ ತಂಡ ರಾಜ್ಯಮಟ್ಟಕ್ಕೆ ಆಯ್ಕೆ

ರಾಮನಗರ: ದಾವಣಗೆರೆಯಲ್ಲಿ ಇತ್ತೀಚೆಗೆ ನಡೆದ ಬೆಂಗಳೂರು ವಿಭಾಗಮಟ್ಟದ 17 ವರ್ಷದೊಳಗಿನ ಬಾಲಕರ ವಿಭಾಗದ ಷಟಲ್ ಬ್ಯಾಡ್ಮಿಂಟನ್‌ನಲ್ಲಿ ಬೆಂಗಳೂರು ದಕ್ಷಿಣ ಜಿಲ್ಲೆಯ ದಿಗಂತ್ ಗೌಡ ಪಿ.ಎಸ್ ಮತ್ತು ಹರ್ಷವರ್ಧನ ಎಸ್. ಅವರನ್ನು ಒಳಗೊಂಡ ತಂಡ ಪ್ರಥಮ ಸ್ಥಾನ ಪಡೆದು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿದೆ.

ಸತೀಶ್ ಮತ್ತು ಮಧು ದಂಪತಿ ಪುತ್ರನಾದ ದಿಗಂತ್, ಶರತ್ ಮೆಮೋರಿಯಲ್ ಶಾಲೆಯಲ್ಲಿ 10ನೇ ತರಗತಿ ಓದುತ್ತಿದ್ದಾನೆ. ರಾಮನಗರದ ಗ್ಯಾಲಕ್ಸಿ ಕ್ಲಬ್‌ನ ಪವನ್ ಮತ್ತು ಚಂದ್ರಶೇಖರ್ ಅವರು ದಿಗಂತ್‌ಗೆ ತರಬೇತಿ ನೀಡಿದ್ದರು.