ಕನಕಪುರ: ನೇಗಿಲ ಯೋಗಿ ಸಮಾಜ ಸೇವಾ ಟ್ರಸ್ಟ್ ಕಚೇರಿಯಲ್ಲಿ ಕರ್ನಾಟಕ ರಾಜ್ಯೋತ್ಸವ

ಕನಕಪುರ: ಇಲ್ಲಿನ ನೇಗಿಲ ಯೋಗಿ ಸಮಾಜ ಸೇವಾ ಟ್ರಸ್ಟ್ ಕಚೇರಿಯಲ್ಲಿ ಟ್ರಸ್ಟ್ ವತಿಯಿಂದ 70ನೇ ವರ್ಷದ ಕರ್ನಾಟಕ ರಾಜ್ಯೋತ್ಸವ ಗುರುವಾರ ಆಚರಿಸಲಾಯಿತು.

ಕನ್ನಡ ಜನಶಕ್ತಿ ಕೇಂದ್ರದ ಸಂಸ್ಥಾಪಕ ಅಧ್ಯಕ್ಷ ಸಿ ಕೆ.ರಾಮೇಗೌಡ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು‌.

ಕರ್ನಾಟಕ ರಾಜ್ಯ ಹುಟ್ಟಿ ಬಂದ ದಾರಿ, ಕರ್ನಾಟಕ ಹಂಚಿ ಹೋಗಿದ್ದ ಸಂದರ್ಭದಲ್ಲಿ ಒಟ್ಟಾಗಿ ಸೇರ್ಪಡೆಯಾಗಲು ಶ್ರಮಿಸಿದ ಮಹನೀಯರ ಬಗ್ಗೆ, ನಾಲ್ವಡಿ ಕೃಷ್ಣರಾಜ ಒಡೆಯರ ಕೊಡುಗೆ, ಕುವೆಂಪು  ಕೊಡುಗೆ ಬಗ್ಗೆ ತಿಳಿಸಿದರು.

ಕರ್ನಾಟಕ ರಾಜ್ಯೋತ್ಸವ ಪುರಸ್ಕೃತ ಸಾಹಿತಿ ದೇವರಾಜು.ಇ.ಸಿ ಮಾತನಾಡಿ, ಕನ್ನಡದ ಉಳಿವು ಕನ್ನಡದ ಜನರ ಕೈಯಲ್ಲೇ ಇದೆ ಎಂದು ಹಲವು ಕವನಗಳ ಮುಖಾಂತರ ಕನ್ನಡಿಗರನ್ನು ಎಚ್ಚರಿಸಿದರು.

ಸಾಹಿತಿ ಕೂ.ಗಿ ಗಿರಿಯಪ್ಪ ಪ್ರಸ್ತಾವಿಕವಾಗಿ ಮಾತನಾಡಿ, ಕನ್ನಡ ಭಾಷೆ ಮತ್ತು ಕನ್ನಡ ಸಂಸ್ಕೃತಿ ಬಗ್ಗೆ ಮಾತನಾಡಿದರು. 

ಟ್ರಸ್ಟ್ ಅಧ್ಯಕ್ಷ ಗಬ್ಬಾಡಿ ಕಾಡೇಗೌಡ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದರು. ಎ.ಬಿ.ಶಿವಲಿಂಗಯ್ಯ, ಹಾಪ್ ಕಾಮ್ಸ್ ಮಾಜಿ ನಿರ್ದೆಶಕ ರವಿಕುಮಾರ್, ಯು.ವಿ.ಸ್ವಾಮಿಗೌಡ, ಟಿ.ಎಂ.ರಾಮಯ್ಯ, ಚಿಕ್ಕರಂಗಯ್ಯ, ಸಿ.ಪುಟ್ಟಸ್ವಾಮಿ, ಎಸ್.ಎಂ.ಚಂದ್ರೆಗೌಡ, ಲಿಂಗೇಗೌಡ, ಆರ್.ಎಫ್, ಬೈರೇಗೌಡ, ರಾಮಚಂದ್ರು, ಕೆ.ಎನ್.ರಮೇಶ, ಶಿವರಾಮೇಗೌಡ, ಒಂಕಾರೇಶ್ವರ, ಹೊಸಕೋಟೆ ರಾಜಣ್ಣ ಉಪಸ್ಥಿತರಿದ್ದರು.