ರಾಮನಗರ: ನಗರದ ಮಿನಿ ವಿಧಾನಸೌಧದ ಮೇಲ್ಭಾಗ ಶನಿವಾರ ರಾಷ್ಟ್ರಧ್ವಜವು ಕೆಳಮಟ್ಟದಲ್ಲಿ ಹಾರಾಡಿದ್ದು, ಧ್ವಜಕ್ಕೆ ಅಪಮಾನ ಮಾಡಿದಂತೆ ಇತ್ತು.
ಮಿನಿ ವಿಧಾನಸೌಧದಲ್ಲಿ ತಾಲ್ಲೂಕು ಪಂಚಾಯಿತಿ ಕಚೇರಿ, ತಹಶೀಲ್ದಾರ್ ಕಚೇರಿ, ಉಪ ವಿಭಾಗಾಧಿಕಾರಿ ಕಚೇರಿ ಸೇರಿ ಹಲವು ಪ್ರಮಖ ಕಚೇರಿಗಳಿವೆ. ಹೆದ್ದಾರಿ ಪಕ್ಕದಲ್ಲೇ ಈ ಕಟ್ಟಡವಿದ್ದು, ಸಾರ್ವಜನಿಕರಿಗೆ ಸದಾ ಕಾಣಿಸುತ್ತಿರುತ್ತದೆ. ಹೀಗಿದ್ದೂ ಕಳೆದ ಕೆಲವು ದಿನದಿಂದ ಧ್ವಜವು ಕೆಳ ಮಟ್ಟದಲ್ಲೇ ಹಾರಾಡುತ್ತಿದೆ ಎಂದು ಸಾರ್ವಜನಿಕರು ಆರೋಪಿಸಿದರು.
ಮಾಧ್ಯಮಗಳಿಂದ ಮಾಹಿತಿ ಹೋಗುತ್ತಲೇ ಅಧಿಕಾರಿಗಳು ಎಚ್ಚೆತ್ತು ಧ್ವಜವನ್ನು ಎತ್ತರಕ್ಕೆ ಹಾರಿಸಿದರು. ಕಾರಣ ಕೇಳಿದ್ದಕ್ಕೆ ‘ಮಾರಿಷಸ್ ಪ್ರಧಾನಿ ತೀರಿಕೊಂಡಿದ್ದಾರೆ. ಹೀಗಾಗಿ ಸರ್ಕಾರವೇ ಆದೇಶ ನೀಡಿದೆ’ ಎಂಬ ಉತ್ತರವೂ ಬಂತು!
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.