ಕೋವಿಡ್ ನಿಯಮ ಸಡಿಲಿಕೆ: ಚಿತ್ರಮಂದಿರದತ್ತ ಸುಳಿಯದ ಪ್ರೇಕ್ಷಕ
ಕೋವಿಡ್ ನಿಯಮ ಸಡಿಲಿಕೆ ನಡುವೆಯೂ ಆಸನಗಳು ಖಾಲಿಖಾಲಿ
ರಾಮನಗರ: ಚಿತ್ರಮಂದಿರಗಳ ಆಸನ ಸಾಮರ್ಥ್ಯದ ಸಂಪೂರ್ಣ ಬಳಕೆಗೆ ಸರ್ಕಾರ ಅವಕಾಶ ನೀಡಿದ್ದರೂ ಪ್ರೇಕ್ಷಕ ಮಾತ್ರ ಥಿಯೇಟರ್‌ನತ್ತ ಸುಳಿಯುತ್ತಿಲ್ಲ.
ಶುಕ್ರವಾರ ಕೆಲ ಚಿತ್ರಗಳು ತೆರೆ ಕಂಡಿದ್ದು, ಹೊಸ ಸಿನಿಮಾದ ನೆಪದಲ್ಲಿ ಆದರೂ ಪ್ರೇಕ್ಷಕರು ಸುಳಿಯಬಹುದು ಎನ್ನುವ ಲೆಕ್ಕಾಚಾರ ಚಿತ್ರಮಂದಿರಗಳ ಮಾಲೀಕರು ಹಾಗೂ ಸಿನಿಮಾ ಮಂದಿಯ ನಿರೀಕ್ಷೆ ಆಗಿತ್ತು. ಆದರೆ ಈ ದಿನವೂ ಹೆಚ್ಚಿನ ಮಂದಿ ಇತ್ತ ಹೆಜ್ಜೆ ಹಾಕಲಿಲ್ಲ.
ಕೋವಿಡ್ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ ಈವರೆಗೆ ಕೇವಲ ಶೇ 50ರಷ್ಟು ಪ್ರೇಕ್ಷಕರ ಪ್ರವೇಶಕ್ಕೆ ಮಾತ್ರ ಅವಕಾಶ ನೀಡಿತ್ತು. ಆದರೆ ಈ ನಿರ್ಧಾರದ ವಿರುದ್ಧ ಚಿತ್ರರಂಗದ ಮಂದಿ ಸಿಡಿದೆದ್ದಿದ್ದು, ಸರ್ಕಾರದ ಈ ನಡೆಗೆ ಆಕ್ಷೇಪ ವ್ಯಕ್ತಪಡಿಸಿದ್ದರು. ಈ ಹಿನ್ನೆಲೆಯಲ್ಲಿ ಶೇ 100 ರಷ್ಟು ಪ್ರೇಕ್ಷಕರ ಪ್ರವೇಶಕ್ಕೆ ಸರ್ಕಾರ ಕೆಲ ದಿನದ ಹಿಂದಷ್ಟೇ ಹಸಿರು ನಿಶಾನೆ ತೋರಿತ್ತು.
ಜಿಲ್ಲೆಯ ಚಿತ್ರಮಂದಿರಗಳು 500–600 ಆಸನ ಸಾಮರ್ಥ್ಯ ಹೊಂದಿವೆ. ಇವುಗಳ ಪೈಕಿ ಶುಕ್ರವಾರ ಹೆಚ್ಚಿನ ಚಿತ್ರಮಂದಿರಗಳಲ್ಲಿ ನೂರರಷ್ಟು ಜನರೂ ಇರಲಿಲ್ಲ. ಮೊದಲೆರಡು ಪ್ರದರ್ಶನಗಳಿಗೆ ಕಾಲೇಜು ವಿದ್ಯಾರ್ಥಿಗಳು ಬಂದಿದ್ದರು. ಆದರೆ ಸಂಜೆ ಪ್ರದರ್ಶನಗಳಲ್ಲಿ ಪ್ರೇಕ್ಷಕರ ಕೊರತೆ ಎದ್ದು ಕಂಡಿತು. ದೊಡ್ಡ ನಟರ ಚಿತ್ರಗಳು ಬಿಡುಗಡೆ ಆಗಿ ಜನರನ್ನು ಆಕರ್ಷಿಸಿದಲ್ಲಿ ಮಾತ್ರ ಜನರು ಇತ್ತ ಬರಬಹುದು ಎಂದು ಚಿತ್ರಮಂದಿರದ ಸಿಬ್ಬಂದಿ ಅಭಿಪ್ರಾಯ ವ್ಯಕ್ತಪಡಿಸಿದರು.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.