ಗಾಂಜಾ ಮಾರಾಟ: ಮೂರು ಮಂದಿ ಬಂಧನ

ಚನ್ನಪಟ್ಟಣ: ಅಕ್ರಮ ಗಾಂಜಾ ಮಾರಾಟ ಮಾಡುತ್ತಿದ್ದ ಮೂವರನ್ನು ಪೊಲೀಸರು ಬಂಧಿಸಿ, 114 ಗ್ರಾಂ ಗಾಂಜಾ ಇದ್ದ 15 ಪ್ಯಾಕೆಟ್ ಗಳನ್ನು ಶುಕ್ರವಾರ ವಶಪಡಿಸಿಕೊಂಡಿದ್ದಾರೆ.

ರಾಮನಗರದ ಕುವೆಂಪುನಗರದ ಜಾವೀದ್ ಖಾನ್ (40), ಬಡಾಮಕಾನ್ ನ ಉಬೇದ್ (35), ಸೈಯದ್ ಸೊರ್ಪಾಲ್ (35) ಬಂಧಿತರು. ಈ ಮೂರು ಮಂದಿ ಆರೋಪಿಗಳು ಗಾಂಜಾ ಮಾರಾಟ ಮಾಡುವಾಗ ಮಾಲು ಸಮೇತ ಪೊಲೀಸರ ಬಲೆಗೆ ಬಿದ್ದಿದ್ದಾರೆ. ಕೃತ್ಯಕ್ಕೆ ಬಳಸುತ್ತಿದ್ದ ಮೂರು ಬೈಕ್ ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಪಟ್ಟಣದ ಪೂರ್ವ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.