ರಕ್ಷಾ ಬಂಧನದಿಂದ ಸೌಹಾರ್ದ: ಶಾಸಕ ಎಚ್. ಹಾಲಪ್ಪ ಹರತಾಳು

ಸಾಗರ: ಭಾರತೀಯ ಸಂಪ್ರದಾಯದಲ್ಲಿ ರಕ್ಷಾ ಬಂಧನ ಅತ್ಯಂತ ಪವಿತ್ರವಾದದ್ದು. ಭಾತೃತ್ವದ ಸಂಕೇತವಾಗಿರುವ ರಕ್ಷಾ ಬಂಧನ ಆಚರಣೆ ಮೂಲಕ ಸೌಹಾರ್ದ ಬೆಸೆಯಲು ಸಾಧ್ಯವಿದೆ ಎಂದು ಶಾಸಕ ಎಚ್. ಹಾಲಪ್ಪ ಹರತಾಳು ತಿಳಿಸಿದರು.

ತಾಲ್ಲೂಕಿನ ಕೆಳದಿಯಲ್ಲಿ ಗ್ರಾಮ ಪಂಚಾಯಿತಿಬಿಜೆಪಿ ಗ್ರಾಮಾಂತರ ಮಹಿಳಾ ಮೋರ್ಚಾದ ರಕ್ಷಾ ಬಂಧನ ಮತ್ತು ರೈತ ಮೋರ್ಚಾದಿಂದ ಆಯೋಜಿಸಿದ್ದ ‘ಹರ್ ಘರ್ ತಿರಂಗಾ’ ಟ್ರ್ಯಾಕ್ಟರ್ ರ‍್ಯಾಲಿಗೆ ಕೆಳದಿ ರಾಣಿ ಚೆನ್ನಮ್ಮಾಜಿ ಪುತ್ಥಳಿಗೆ ಮಾಲಾರ್ಪಣೆ ಮಾಡಿ ಮಾತನಾಡಿದರು.

ನಿವೃತ್ತ ಮುಖ್ಯಶಿಕ್ಷಕಿ ವಿನೋದಾ ಜೋಷಿ ಅವರನ್ನು ಸನ್ಮಾನಿಸಲಾಯಿತು. ಮಹಿಳಾ ಮೋರ್ಚಾದ ಅಧ್ಯಕ್ಷೆ ಅಕ್ಷತಾ ಪ್ರಸನ್ನ ಅಧ್ಯಕ್ಷತೆ ವಹಿಸಿದ್ದರು.

ಬಿಜೆಪಿ ಜಿಲ್ಲಾ ಘಟಕದ ಅಧ್ಯಕ್ಷ ಟಿ.ಡಿ. ಮೇಘರಾಜ್, ರೈತ ಮೋರ್ಚಾದ ಅಧ್ಯಕ್ಷ ಗಿರೀಶ್ ಹಕ್ರೆ, ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಗೀತಾ ರಮೇಶ್, ಪ್ರಮುಖರಾದ ರಾಜಶೇಖರ ಹಂದಿಗೋಡು, ಬಂಗಾರಪ್ಪ, ಶ್ವೇತಾ ಮಂಜುನಾಥ್, ಸುವರ್ಣ ಟೀಕಪ್ಪ, ರಮೇಶ್ ಹಾರೆಗೊಪ್ಪ, ಸಂದೀಪ್ ಕೆಳದಿ, ಅಸ್ಪಾಕ್ ಅಹ್ಮದ್, ಸುಮ, ಶೃತಿ ರಮೇಶ್, ಸುಮರವಿ, ರೂಪಾ ರಮೇಶ್, ನಿರ್ಮಲಾ, ಶೋಭಾ ಇದ್ದರು.