ಪಾವಗಡ: ಮಳೆಯಿಂದಾಗಿ ಕಟಾವು ಮಾಡಿದ ಶೇಂಗಾ ಹಾನಿ

ಪಾವಗಡ: ತಾಲ್ಲೂಕಿನ ಹಲವೆಡೆ ಮಂಗಳವಾರ ಮಳೆಯಾಗಿದೆ.ತಡವಾಗಿ ಶೆಂಗಾ ಬಿತ್ತನೆ ಮಾಡಿದ್ದ ರೈತರಿಗೆ ಮಳೆಯಿಂದ ಅನುಕೂಲವಾಗಿದೆ. ಆದರೆ ಶೀಘ್ರ ಬಿತ್ತನೆ ಮಾಡಿ ಕಟಾವು ಮಾಡಿದ್ದ ರೈತರಿಗೆ ಮಳೆಯಿಂದ ಬೆಳೆ ಹಾನಿಯಾಗಿದೆ.

ಜಮೀನಿನಲ್ಲಿಯೆ ಬಿಟ್ಟಿದ್ದ ಶೇಂಗಾ ಮಳೆಗೆ ಕೊಚ್ಚಿ ಹೋಗಿದೆ.

ಅರಸೀಕೆರೆ ಮಳೆ ಮಾಪನದಲ್ಲಿ 60 ಮಿ.ಮೀ., ನಾಗಲಮಡಿಕೆ 20 ಮಿ.ಮೀ., ಪಾವಗಡ 18 ಮಿ.ಮೀ., ತಿರುಮಣಿ 8 ಮಿ.ಮೀ ಮಳೆಯಾಗಿದೆ.

ನಿಡಗಲ್ ಹೋಬಳಿಯ ಕೆಲವೆಡೆ ಮಳೆ ನೀರು ಮನೆಗೆ ನುಗ್ಗಿದ್ದರಿಂದ ಸಮಸ್ಯೆಯಾಗಿದೆ.