ತುಮಕೂರು: ನುಗ್ಗೆಕಾಯಿ ಕೆ.ಜಿ ₹500ಕ್ಕೆ ಏರಿಕೆ

ತುಮಕೂರು:‌‌ ದುಬಾರಿಯಾಗಿದ್ದ ತರಕಾರಿ, ಸೊಪ್ಪಿನ ಬೆಲೆ ಕಳೆದ ಎರಡು ವಾರದಿಂದ ಇಳಿಕೆಯತ್ತ ಸಾಗಿದ್ದರೆ, ನುಗ್ಗೆಕಾಯಿ ಗಗನಮುಖಿಯಾಗಿದೆ. ಏರಿಕೆಯಾಗಿದ್ದ ಟೊಮೆಟೊ ಸಹ ಕೊಂಚ ಕಡಿಮೆಯಾಗಿದೆ. ಬ್ಯಾಡಗಿ ಮೆಣಸಿನಕಾಯಿ ಮತ್ತಷ್ಟು ಖಾರವಾಗಿದ್ದು, ಒಣದ್ರಾಕ್ಷಿ ಬೆಲೆ ದುಪ್ಪಟ್ಟು ಏರಿಕೆಯಾಗಿದೆ.

ಈಗ ನುಗ್ಗೆಕಾಯಿ ಸೀಸನ್ ಮುಗಿದಿದ್ದರೂ ಮಾರುಕಟ್ಟೆಯಲ್ಲಿ ಬೇಡಿಕೆ ಹೆಚ್ಚಾಗಿದ್ದು, ಬೆಲೆ ಕೆ.ಜಿ ₹500–600ಕ್ಕೆ ತಲುಪಿದೆ. ಒಂದೇ ವಾರದ ಅಂತರದಲ್ಲಿ ಐದು ಪಟ್ಟು ದರ ಹೆಚ್ಚಳವಾಗಿದೆ. ಇನ್ನೂ ಒಂದೆರಡು ತಿಂಗಳು ಇದೇ ರೀತಿ ಇರಲಿದೆ ಎಂದು ಹೇಳಲಾಗುತ್ತಿದೆ.

ಹಿಂದಿನ ವಾರ ಒಮ್ಮೆಲೆ ದುಪ್ಪಟ್ಟಾಗಿದ್ದ ಟೊಮೆಟೊ ಬೆಲೆ ಅಲ್ಪ ಮಟ್ಟಿಗೆ ಕಡಿಮೆಯಾಗಿದ್ದು, ಕೆ.ಜಿ ₹40–50ಕ್ಕೆ ಇಳಿಕೆಯಾಗಿದೆ. ಮುಂದಿನ ಕೆಲವು ವಾರಗಳು ಇದೇ ಸ್ಥಿತಿ ಮುಂದುವರಿಯಬಹುದು ಎಂದು ಮಾರುಕಟ್ಟೆ ಮೂಲಗಳು ತಿಳಿಸಿವೆ.

ಕ್ಯಾರೇಟ್ ಏರಿಕೆಯಾಗಿರುವುದನ್ನು ಹೊರತುಪಡಿಸಿದರೆ ಉಳಿದ ಬಹುತೇಕ ತರಕಾರಿ ದರ ಇಳಿಕೆಯತ್ತ ಮುಖ ಮಾಡಿದೆ. ಬೀನ್ಸ್, ಗಡ್ಡೆಕೋಸು, ಮೂಲಂಗಿ, ಬೆಂಡೆಕಾಯಿ, ಬದನೆಕಾಯಿ, ತೊಂಡೆಕಾಯಿ ತಗ್ಗಿದೆ. ಹೂ ಕೋಸು ಬೆಲೆ ಅರ್ಧದಷ್ಟು ಕಡಿಮೆಯಾಗಿದೆ.

ಸೊಪ್ಪು ಅಗ್ಗ: ಇಳಿಕೆಯತ್ತ ಸಾಗಿದ್ದ ಸೊಪ್ಪಿನ ಬೆಲೆ ಈ ವಾರ ಮತ್ತಷ್ಟು ಅಗ್ಗವಾಗಿದೆ. ಕೊತ್ತಂಬರಿ ಸೊಪ್ಪು ಕೆ.ಜಿ ₹30–40ಕ್ಕೆ, ಸಬ್ಬಕ್ಕಿ ಕೆ.ಜಿ ₹20–30, ಮೆಂತ್ಯ ಸೊಪ್ಪು ಕೆ.ಜಿ ₹20–30, ಪಾಲಕ್ ಸೊಪ್ಪು (ಕಟ್ಟು) ₹30ಕ್ಕೆ ಇಳಿಕೆಯಾಗಿದೆ.

ಹಣ್ಣು: ಇಳಿಕೆಯಾಗಿರುವ ಸೇಬು ಹಣ್ಣಿನ ಧಾರಣೆ ಯಥಾಸ್ಥಿತಿ ಕಾಯ್ದುಕೊಂಡಿದ್ದು, ಇತರೆ ಹಣ್ಣುಗಳ ದರದಲ್ಲೂ ಯಾವುದೇ ವ್ಯತ್ಯಾಸವಾಗಿಲ್ಲ.

ಅಡುಗೆ ಎಣ್ಣೆ: ಗೋಲ್ಡ್‌ವಿನ್ನರ್, ಶೇಂಗಾ ಎಣ್ಣೆ ಅಲ್ಪ ಇಳಿಕೆಯಾಗಿದೆ. ಗೋಲ್ಡ್‌ವಿನ್ನರ್ ಕೆ.ಜಿ ₹150–152, ಪಾಮಾಯಿಲ್ ಕೆ.ಜಿ ₹118–120, ಕಡಲೆಕಾಯಿ ಎಣ್ಣೆ ಕೆ.ಜಿ ₹158–160ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಸಿಗುತ್ತಿದೆ.

ಬೇಳೆ ಇಳಿಕೆ: ಹೆಸರು ಬೇಳೆ ಹೊರತುಪಡಿಸಿದರೆ ಬೇಳೆ, ಧಾನ್ಯಗಳ ಧಾರಣೆ ತುಸು ಕಡಿಮೆಯಾಗಿದೆ. ಹುರುಳಿಕಾಳು ಮತ್ತಷ್ಟು ಅಗ್ಗವಾಗಿದೆ.

ಮಸಾಲೆ ಪದಾರ್ಥ: ಬ್ಯಾಡಗಿ ಮೆಣಸಿನಕಾಯಿ ದರ ಒಮ್ಮೆಲೆ ದುಬಾರಿಯಾಗಿದ್ದು, ದ್ರಾಕ್ಷಿ ಸಹ ಗಗನಮುಖಿಯಾಗಿದೆ. ಮಾರುಕಟ್ಟೆಗೆ ಹೊಸದಾಗಿ ಮಾಲು ಬರುವವರೆಗೂ ಬೆಲೆ ಇದೇ ರೀತಿ ಮುಂದುವರಿಯಲಿದೆ.

ದನಿಯ ಕೆ.ಜಿ ₹110–130, ಬ್ಯಾಡಗಿ ಮೆಣಸಿನಕಾಯಿ ಕೆ.ಜಿ ₹340–360, ಗೌರಿಬಿದನೂರು ಖಾರದ ಮೆಣಸಿನಕಾಯಿ ಕೆ.ಜಿ ₹195–200, ಬೆಲ್ಲ ಕೆ.ಜಿ ₹50–55, ಕಾಳುಮೆಣಸು ಕೆ.ಜಿ ₹740–750, ಜೀರಿಗೆ ಕೆ.ಜಿ ₹250–260, ಚಕ್ಕೆ ಕೆ.ಜಿ ₹240–250, ಲವಂಗ ಕೆ.ಜಿ ₹800–840, ಗುಣಮಟ್ಟದ ಗಸಗಸೆ ಕೆ.ಜಿ ₹1,600–1,650, ಏಲಕ್ಕಿ ಕೆ.ಜಿ ₹3,000–3,200, ಬಾದಾಮಿ ಕೆ.ಜಿ ₹800–820, ಗೋಡಂಬಿ ಕೆ.ಜಿ ₹850–950, ಒಣದ್ರಾಕ್ಷಿ ಕೆ.ಜಿ ₹440–450ಕ್ಕೆ ಮಂಡಿಪೇಟೆ ಮಾರುಕಟ್ಟೆಯಲ್ಲಿ ಮಾರಾಟವಾಗುತ್ತಿದೆ.

ಕೋಳಿ ಮಾಂಸ: ಕೋಳಿ ಮಾಂಸ ತುಸು ಕಡಿಮೆಯಾಗಿದೆ. ಬ್ರಾಯ್ಲರ್ ಕೋಳಿ ಕೆ.ಜಿ ₹160, ರೆಡಿ ಚಿಕನ್ ಕೆ.ಜಿ ₹240, ಸ್ಕಿನ್‌ಲೆಸ್ ಕೆ.ಜಿ ₹265, ಫಾರಂ ಕೋಳಿ ಕೆ.ಜಿ ₹180ಕ್ಕೆ ಏರಿಕೆಯಾಗಿದೆ. ಮೊಟ್ಟೆ ಒಂದು ₹6.80ಕ್ಕೆ ಮಾರಾಟವಾಗುತ್ತಿದೆ.

ಮೀನು: ಮೀನು ದರದಲ್ಲಿ ಅಲ್ಪ ಮಟ್ಟಿಗೆ ಏರಿಳಿತ ಕಂಡು ಬಂದಿದೆ. ಬಂಗುಡೆ ಕೆ.ಜಿ ₹230, ಅಂಜಲ್ ಕೆ.ಜಿ ₹640, ಬಿಳಿಮಾಂಜಿ ಕೆ.ಜಿ 1,090, ಕಪ್ಪುಮಾಂಜಿ ₹680, ಇಂಡಿಯನ್ ಸಾಲ್ಮನ್ ₹940, ಸೀಗಡಿ ಕೆ.ಜಿ ₹500–720ಕ್ಕೆ ನಗರದ ಮತ್ಸ್ಯದರ್ಶಿನಿಯಲ್ಲಿ ಮಾರಾಟವಾಗುತ್ತಿದೆ.

ದರ ಪಟ್ಟಿ.....

ಹಣ್ಣು (ಬೆಲೆ ಕೆ.ಜಿ ₹)

ಸೇಬು;100–250

ದಾಳಿಂಬೆ;230

ಮೂಸಂಬಿ;70

ಕಿತ್ತಳೆ;60

ಸಪೋಟ;100

ಏಲಕ್ಕಿಬಾಳೆ;60

ಪಚ್ಚಬಾಳೆ;20

ಸೀಬೆ;100

ಪೈನಾಪಲ್;80

ಪಪ್ಪಾಯ;15

ಕರಬೂಜ;60

ಕಲ್ಲಂಗಡಿ;46

ದ್ರಾಕ್ಷಿ;120–250

ಡ್ರ್ಯಾಗನ್ ಫ್ರೂಟ್;140–200

ಸೀತಾಫಲ;100–110

ಧಾನ್ಯ (ಬೆಲೆ ಕೆ.ಜಿ ₹) (ಮಂಡಿಪೇಟೆ)

ತೊಗರಿ ಬೇಳೆ;90–95

ಕಡಲೆ ಬೇಳೆ;78–82

ಉದ್ದಿನ ಬೇಳೆ;115–120

ಹೆಸರು ಬೇಳೆ;105–110

ಕಡಲೆಕಾಳು;75–80

ಹೆಸರು ಕಾಳು;115–120

ಅಲಸಂದೆ;85–90

ಅವರೆಕಾಳು;100–105

ಹುರುಳಿಕಾಳು;45–50

ಹುರಿಗಡಲೆ;85–90

ಬಟಾಣಿ;110–120

ಕಡಲೆ ಬೀಜ;120–125

ಗೋಧಿ;42–45

ಸಕ್ಕರೆ;43–44

ತರಕಾರಿ (ಬೆಲೆ ಕೆ.ಜಿ ₹) (ಅಂತರಸನಹಳ್ಳಿ ಮಾರುಕಟ್ಟೆ)

ಬೀನ್ಸ್;30–40

ಕ್ಯಾರೇಟ್;50–60

ಬೀಟ್ರೂಟ್‌;30–40

ಈರುಳ್ಳಿ;25–30

ಬೆಳ್ಳುಳ್ಳಿ;80–100

ಟೊಮೆಟೊ;40–50

ಆಲೂಗಡ್ಡೆ;30–40

ಗಡ್ಡೆಕೋಸು;30–40

ಮೂಲಂಗಿ;25–30

ಬೆಂಡೆಕಾಯಿ;30–40

ಬದನೆಕಾಯಿ;25–30

ಎಲೆಕೋಸು;15–20

ಹೂಕೋಸು(1ಕ್ಕೆ);30

ತೊಂಡೆಕಾಯಿ;30–40

ಹಾಗಲಕಾಯಿ;40–50

ನುಗ್ಗೆಕಾಯಿ;500–600

ಮೆಣಸಿನಕಾಯಿ;50–60

ಕ್ಯಾಪ್ಸಿಕಂ;50–60

ಶುಂಠಿ;50–60

ಸೌತೆಕಾಯಿ 1ಕ್ಕೆ;8–10

ನಿಂಬೆಹಣ್ಣು 1ಕ್ಕೆ;3–4