ಮಧುಗಿರಿ: ದಾಖಲೆ‌ ಇಲ್ಲದ ₹4.80 ಲಕ್ಷ ವಶ

ಮಧುಗಿರಿ: ತಾಲ್ಲೂಕಿನ ಚಿನಕವಜ್ರ ಚೆಕ್ ಪೋಸ್ಟ್ ಬಳಿ ಶನಿವಾರ ದಾಖಲೆ ಇಲ್ಲದೆ ಸಾಗಿಸುತ್ತಿದ್ದ ₹ 4.80 ಲಕ್ಷ ಹಣವನ್ನು ಅಧಿಕಾರಿಗಳು ವಶಕ್ಕೆ ಪಡೆದಿದ್ದಾರೆ.

ಚೆಕ್ ಪೋಸ್ಟ್ ಹತ್ತಿರ ವಾಹನಗಳನ್ನು ತಪಾಸಣೆ ಮಾಡುತ್ತಿದ್ದ ವೇಳೆ ಇಂಡಿಯಾ ಎಟಿಎಂ ಸಂಸ್ಥೆಗೆ ಸೇರಿದ ವಾಹನದಲ್ಲಿ ಹಣ ಪತ್ತೆಯಾಗಿದೆ. ತುಮಕೂರಿನ ಇಂಡಿಯಾ ಖಾಸಗಿ ಬ್ಯಾಂಕ್ ನ ಆರ್.ಚೇತನ್ ಮತ್ತು ಎಚ್.ಎಸ್.ರಕ್ಷಿತ್ ಅವರನ್ನು ಮಧುಗಿರಿ ಪಟ್ಟಣ ಠಾಣೆಯ ಪೊಲೀಸರು ವಶಕ್ಕೆ ಪಡೆದು ವಿಚಾರಣೆ ನಡೆಸುತ್ತಿದ್ದಾರೆ.