ಮಧುಗಿರಿ: ಮಹಿಳಾ ಸಮಾಜದಿಂದ ಸಂಕ್ರಾಂತಿ ಸಂಭ್ರಮ

ಮಧುಗಿರಿ: ಪಟ್ಟಣದ ಮಹಿಳಾ ಸಮಾಜದ ಆವರಣದಲ್ಲಿ ಭಾನುವಾರ ಮಹಿಳಾ ಸಮಾಜದ ವತಿಯಿಂದ ಸಂಕ್ರಾಂತಿ ಸಂಭ್ರಮ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು.

ಸಿರಿಗೆಜ್ಜೆ ತಂಡದ ಅಧ್ಯಕ್ಷ ರಾಮಚಂದ್ರಪ್ಪ ಕಾರ್ಯಕ್ರಮ ಉದ್ಘಾಟಿಸಿದರು. ಕಾರ್ಯಕ್ರಮದಲ್ಲಿ ವೀರಗಾಸೆ, ಕೋಲಾಟ, ಬೀಸುವ ಪದ ಮತ್ತು ನಂದಿಕೋಲು ಸೊಗಸಾಗಿ ಮೂಡಿಬಂದಿತು.

ಸಂಘದ ಗೌರವ ಅಧ್ಯಕ್ಷೆ ಪುಷ್ಪಾವತಮ್ಮ, ಮಹಿಳಾ ಸಮಾಜದ ಅಧ್ಯಕ್ಷೆ ಸಹನಾ ನಾಗೇಶ್, ಪ್ರೇಮಲೀಲಾ ನಾರಾಯಣಮೂರ್ತಿ, ನಂಜಮ್ಮ ಸಿದ್ದಪ್ಪ, ಕಾರ್ಯಕಾರಣಿ ಸಮಿತಿ ಮತ್ತು ಮಹಿಳಾ ಸಮಾಜದ ಸದಸ್ಯರು ಇದ್ದರು.