ದಿಢೀರ್ ಸೋಂಕು ಹೆಚ್ಚಳ: 471 ಮಂದಿಗೆ ಕೋವಿಡ್‌

ಉಡುಪಿ: ಜಿಲ್ಲೆಯಲ್ಲಿ ದಿಢೀರ್ ಕೊರೊನಾ ಸೋಂಕಿತರ ಪ್ರಮಾಣ ಹೆಚ್ಚಾಗಿದೆ. ಬುಧವಾರ ಬರೋಬ್ಬರಿ 471 ಮಂದಿಯಲ್ಲಿ ಸೋಂಕು ದೃಢಪಟ್ಟಿದೆ.

ಜಿಲ್ಲೆಯಲ್ಲಿ ಕೊರೊನಾ ಕಾಣಿಸಿಕೊಂಡ ಬಳಿಕ ಇದೇ ಮೊದಲ ಬಾರಿಗೆ ಗರಿಷ್ಠ ಪ್ರಮಾಣದ ಸೋಂಕು ಪತ್ತೆಯಾಗಿದೆ. ಆಗಸ್ಟ್‌ನಲ್ಲಿ 18ರಂದು 421 ಮಂದಿಯಲ್ಲಿ ಸೋಂಕು ಪತ್ತೆಯಾಗಿದ್ದು ಈವರೆಗಿನ ಗರಿಷ್ಠವಾಗಿತ್ತು.

ಬುಧವಾರ ಪತ್ತೆಯಾದ 471 ಸೋಂಕಿತರಲ್ಲಿ ಉಡುಪಿ ತಾಲ್ಲೂಕಿನ 267, ಕುಂದಾಪುರದ 154, ಕಾರ್ಕಳದ 44 ಹಾಗೂ ಇತರೆ ಜಿಲ್ಲೆಗಳ 6 ಸೋಂಕಿತರು ಇದ್ದಾರೆ. ಸೋಂಕಿತರಲ್ಲಿ 255 ಪುರುಷರು ಹಾಗೂ 216 ಮಹಿಳೆಯರಿದ್ದು 154 ಮಂದಿಯಲ್ಲಿ ರೋಗದ ಲಕ್ಷಣಗಳು ಕಾಣಿಸಿಕೊಂಡರೆ, 317 ಮಂದಿಯಲ್ಲಿ ಲಕ್ಷಣಗಳು ಕಾಣಿಸಿಕೊಂಡಿಲ್ಲ.

43 ಸೋಂಕಿತರು ಆಸ್ಪತ್ರೆಯಲ್ಲಿ ಹಾಗೂ 428 ಮಂದಿ ಹೋಂ ಐಸೊಲೇಷನ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಇದುವರೆಗೂ 26205 ಮಂದಿ ಗುಣಮುಖರಾಗಿದ್ದು, ಒಟ್ಟು ಸೋಂಕಿತ ಪ್ರಕರಣಗಳ ಸಂಖ್ಯೆ 27483ಕ್ಕೆ ಏರಿಕೆಯಾಗಿದೆ. 1084 ಸಕ್ರಿಯ ಸೋಂಕಿತರು ಇದ್ದಾರೆ.