ಬ್ರಹ್ಮಾವರ: ಮೀನು ಹಿಡಿಯಲು ಹೋಗಿದ್ದ ಇಬ್ಬರು ನೀರುಪಾಲು

ಬ್ರಹ್ಮಾವರ (ಉಡುಪಿ): ಬಾರ್ಕೂರು ಹಾಲೆಕೊಡಿ ಸಮೀಪದ ಹೊಳೆಯಲ್ಲಿ ಮೀನು ಹಿಡಿಯಲು ಹೋಗಿದ್ದ ಇಬ್ಬರು ಯುವಕರು ಶುಕ್ರವಾರ ಮೃತಪಟ್ಟಿದ್ದಾರೆ‌.

ಹೇರಾಡಿಯ ಹರ್ಷ (24) ಹಾಗೂ ಕಾರ್ತಿಕ್ (17) ಸಾವಿಗೀಡಾದ ಯುವಕರಾಗಿದ್ದಾರೆ.

ಗುರುವಾರ ಸಂಜೆ ಮೀನು ಹಿಡಿಯಲು ಬಲೆ ಹಾಕಿದ್ದ ಯುವಕರು ಶುಕ್ರವಾರ ಬಲೆಯನ್ನು ಎಳೆಯಲು ಹೋದಾಗ ನೀರಿನಲ್ಲಿ ಮುಳುಗಿ ಮೃತಪಟ್ಟಿದ್ದಾರೆ.

ಸ್ಥಳೀಯರ ನೆರವಿನೊಂದಿಗೆ ಅಗ್ನಿಶಾಮಕ ದಳದ ಸಿಬ್ಬಂದಿ ಮೃತದೇಹಗಳನ್ನು ಹೊರತೆಗೆದಿದ್ದಾರೆ.