ಗೋಕರ್ಣದಲ್ಲಿ ಗಾಂಜಾ ಸೇವನೆ: ಆರೋಪಿ ವಶಕ್ಕೆ

ಗೋಕರ್ಣ: ಸಾರ್ವಜನಿಕ ಸ್ಥಳದಲ್ಲಿ ಗಾಂಜಾ ಸೇವನೆ ಮಾಡಿದ ಆರೋಪದ ಮೇಲೆ ಆರೋಪಿಯನ್ನು ಸೋಮವಾರ ಗೋಕರ್ಣ ಠಾಣೆ ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ತಮಿಳುನಾಡಿನ ಚೆನೈ ನಿವಾಸಿ, ಹಾಲಿ ಗೊಕರ್ಣದ ಬೇಲೆಹಿತ್ತಲಿನಲ್ಲಿ ವಾಸಿಸುತ್ತಿರುವ ಸಂದೀಪ ಥಾಮಸ್ ಸೆಮ್ಯುಲ್ (41) ಆರೋಪಿ. ಇಲ್ಲಿಯ ದಂಡೆಭಾಗದ ಮುಖ್ಯ ಕಡಲತೀರದ ಪಾರ್ಕಿಂಗ್ ಸ್ಥಳದ ಬಳಿ ಅಮಲಿನಲ್ಲಿ ಅಲೆದಾಡುತ್ತಿದ್ದಾಗ, ಪೊಲೀಸ್ ಉಪನಿರೀಕ್ಷಕ ಖಾಧರ್ ಭಾಷಾ ನೇತೃತ್ವದ ಪೊಲೀಸ್ ತಂಡಕ್ಕೆ ಸಿಕ್ಕಿಬಿದ್ದಿದ್ದಾರೆ.

‘ಆರೋಪಿಯನ್ನು ವೈದ್ಯಕೀಯ ತಪಾಸಣೆಗೆ ಒಳಪಡಿಸಿದಾಗ ಗಾಂಜಾ ಸೇವಿಸಿದ್ದು ದೃಧಪಟ್ಟಿದೆ’ ಎಂದು ಪೊಲೀಸರು ತಿಳಿಸಿದ್ದಾರೆ.