ಕ್ರೀಡಾಕೂಟ | ಆವೆ ಮರಿಯಾ ಶಾಲೆ ವಿದ್ಯಾರ್ಥಿಗಳು ರಾಷ್ಟ್ರಮಟ್ಟಕ್ಕೆ ಆಯ್ಕೆ

ಶಿರಸಿ: ರಾಷ್ಟ್ರಮಟ್ಟದ ಸಬ್ ಜ್ಯೂನಿಯರ್ ಹಾಗೂ ಜ್ಯೂನಿಯರ್ ರಾಕೆಟ್ ಬಾಲ್ ಕ್ರೀಡಾಕೂಟಕ್ಕೆ ಇಲ್ಲಿನ ಆವೆ ಮರಿಯಾ ಪ್ರೌಢಶಾಲೆಯ 9 ವಿದ್ಯಾರ್ಥಿಗಳು ಆಯ್ಕೆಯಾಗಿದ್ದಾರೆ.

15 ಮತ್ತು 19 ವರ್ಷ ವಯೋಮಿತಿಯವರ ಈ ಕ್ರೀಡಾಕೂಟವು ನವದೆಹಲಿಯಲ್ಲಿ ನಡೆಯುತ್ತಿದೆ. 9 ವಿದ್ಯಾರ್ಥಿಗಳು ಕರ್ನಾಟಕ ರಾಜ್ಯ ತಂಡವನ್ನು ಪ್ರತಿನಿಧಿಸಲಿದ್ದಾರೆ.

ನಿತೀಶ ನಾಯ್ಕ, ಪ್ರೀತಮ್ ಅಣ್ಣಪ್ಪ ರಾಯ್ಕರ್, ರಂಜಿತಾ ಪಟಗಾರ, ವೇಧಾ ಶಿರಾಲಿ, ಎಸ್.ಮೇಘನಾ, ಜಾಫರ ಹಸನ ಶೇಖ್, ರೋಹಿತ ಜನಾರ್ಧನ ಪೂಜಾರಿ, ಕಿರಣ ಜೋಗಳೇಕರ್, ಸಂಜನಾ ರವಿ ರಾಮನಟ್ಟಿ ಆಯ್ಕೆಯಾದ ವಿದ್ಯಾರ್ಥಿಗಳು. ಶಾಲೆಯ ದೈಹಿಕ ಶಿಕ್ಷಣ ಶಿಕ್ಷಕರಾದ ರಾಜೇಶ ಡಿಸೋಜಾ, ಪ್ರದೀಪ ನಾಯ್ಕ ಈ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಿದ್ದರು.