ಭಟ್ಕಳ: ಮೀನುಗಾರನ ಶವ ಪತ್ತೆ

ಭಟ್ಕಳ (ಉತ್ತರ ಕನ್ನಡ): ತಾಲ್ಲೂಕಿನ ಅಳ್ವೆಕೋಡಿಯಲ್ಲಿ ಸಮುದ್ರದಲ್ಲಿ ದೋಣಿ ಮಗುಚಿ, ನಾಪತ್ತೆಯಾಗಿದ್ದ ನಾಲ್ವರ ಪೈಕಿ, ಮೀನುಗಾರ ರಾಮಕೃಷ್ಣ ಮೊಗೇರ (45) ಅವರ ಶವ ಸಿಕ್ಕಿದೆ.

ದುರ್ಘಟನೆ ಸಂಭವಿಸಿದ ಸ್ಥಳದಿಂದ 3 ಕಿ.ಮೀ ದೂರದ ಹೊನ್ನಿಗದ್ದೆ ಕಡಲತೀರದಲ್ಲಿ ಮೃತದೇಹ ಪತ್ತೆಯಾಗಿದೆ. ಇನ್ನೂ ಮೂವರ ಪತ್ತೆಗೆ ಹುಟುಕಾಟ ಮುಂದುವರೆದಿದೆ.

ಅಳ್ವೆಕೋಡಿ ಬಂದರಿಗೆ ಭೇಟಿ ನೀಡಿದ್ದ ಮೀನುಗಾರಿಕೆ ಸಚಿವ ಮಂಕಾಳ ವೈದ್ಯ, ‘ಮೀನುಗಾರರು ಸೂಚನೆ ಕಡೆಗಣಿಸಿ ಸಮುದ್ರಕ್ಕೆ ಇಳಿಯಬಾರದು. ಜೀವರಕ್ಷಕ ಜಾಕೆಟ್‌ ಧರಿಸಬೇಕು’ ಎಂದು ಹೇಳಿದರು.