ಕುಮಟಾ: ಬಾಂಬ್ ಹೋಲುವ ವಸ್ತು ಪತ್ತೆ

ಕುಮಟಾ: ಪಟ್ಟಣದ ಕೊಂಕಣ ರೈಲ್ವೆ ನಿಲ್ದಾಣದ ಸಮೀಪದ ಮೈನರ್ ಫಾರೆಸ್ಟ್‌ ಪ್ರದೇಶದಲ್ಲಿ ಬಾಂಬ್ ಹೋಲುವ ವಸ್ತುವೊಂದು ಬುಧವಾರ ಸಂಜೆ ಪತ್ತೆಯಾಗಿದೆ. ಇದು ಸಾರ್ವಜನಿಕರ ಆತಂಕಕ್ಕೆ ಕಾರಣವಾಗಿದೆ.

‘ಸಿಕ್ಕಿರುವುದು ನಕಲಿ ಬಾಂಬ್ ಆಗಿರುವ ಸಾಧ್ಯತೆಯಿದೆ. ಈ ಬಗ್ಗೆ ಪರಿಶೀಲಿಸಲಾಗುತ್ತಿದೆ’ ಎಂದು ಪಿ.ಎಸ್.ಐ ಆನಂದಮೂರ್ತಿ ತಿಳಿಸಿದ್ದಾರೆ.

ಹೆಚ್ಚಿನ ಮಾಹಿತಿ ನೀಡಿದ ಸಮೀಪದ ವಿದ್ಯಾಧಿರಾಜ ಪಾಲಿಟೆಕ್ನಿಕ್ ಕಾಲೇಜಿನ ಪ್ರಾಂಶುಪಾಲ ರತನ್ ಗಾಂವ್ಕರ್, ‘ನಮ್ಮ ಸಂಸ್ಥೆಯ ಆವರಣದ ಬಳಿ ಒಂದು ಚಿಕ್ಕ ಸಿಲಿಂಡರ್, ಬ್ಯಾಟರಿ ಒಳಗೊಂಡ ವಸ್ತು ಬಿದ್ದಿರುವುದನ್ನು ನೋಡಿದ್ದೇವೆ’ ಎಂದರು. ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಶಿವಪ್ರಕಾಶ ದೇವರಾಜು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ತನಿಖೆ ಮುಂದುವರಿದಿದೆ.