ಯಲ್ಲಾಪುರ | ಮೀನುಗಾರಿಕೆ ವೇಳೆ ಇಬ್ಬರು ನೀರುಪಾಲು; ಒಬ್ಬನ ಶವ ಪತ್ತೆ

ಯಲ್ಲಾಪುರ (ಉತ್ತರ ಕನ್ನಡ ಜಿಲ್ಲೆ): ತಾಲ್ಲೂಕಿನ ಕವಳಗಿ ಹಳ್ಳಕ್ಕೆ ಮೀನುಗಾರಿಕೆಗೆ ತೆರಳಿದ್ದಾಗ ನೀರು ಪಾಲಾಗಿದ್ದ ಮಹಮ್ಮದ್ ರಫೀಕ್‌ (27) ಶವ ಸೋಮವಾರ ಬೇಡ್ತಿ ನದಿಯಲ್ಲಿ ಪತ್ತೆಯಾಗಿದೆ. ನಾಪತ್ತೆ ಆಗಿರುವ ಇವರ ಸಹೋದರ ಮಹಮ್ಮದ್ ಹನೀಫ್‌ (25) ಅವರಿಗಾಗಿ ಶೋಧ ನಡೆದಿದೆ.

‘ಭಾನುವಾರ 8 ಮಂದಿ ಕವಲಗಿ ಹಳ್ಳಕ್ಕೆ ಮೀನು ಹಿಡಿಯಲು ಹೋಗಿದ್ದರು. ಹಳ್ಳದಲ್ಲಿ ಏಕಾಏಕಿ ನೀರು ಹೆಚ್ಚಾಗಿ, ಇಬ್ಬರೂ ಮುಳುಗಿದ್ದರು. 6 ಮಂದಿ ಸುರಕ್ಷಿತವಾಗಿದ್ದಾರೆ’ ಎಂದು ಪೊಲೀಸರು ತಿಳಿಸಿದರು.