ಸಮಾಜ ಒಡೆಯುವುದು ಮುಖ್ಯಮಂತ್ರಿ ಕೆಲಸ: ಡಿ.ಕೆ. ಶಿವಕುಮಾರ್ 

ಶಿರಸಿ: ಸಮುದಾಯಕ್ಕೊಂದು, ಭಾಷೆಗೊಂದು ನಿಗಮ ಸ್ಥಾಪಿಸಿ ಸಮಾಜ ಒಡೆಯುವುದು ಮುಖ್ಯಮಂತ್ರಿ ಕೆಲಸ ಎಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಹೇಳಿದರು.

ಮುಖಂಡರ ಸಭೆ ನಡೆಸಲು ನಗರಕ್ಕೆ ಭೇಟಿ ನೀಡಿರುವ ಅವರು ಮಾಧ್ಯಮದವರ ಜತೆ ಮಾತನಾಡಿದರು. ಸಮಾಜದಲ್ಲಿ ಏಕತೆ ಕಾಯ್ದುಕೊಳ್ಳುವುದು ಕಾಂಗ್ರೆಸ್ ಅಜೆಂಡಾ. ನಾವು ಸಮಾಜ ಒಡೆಯುವ ಸಿದ್ಧಾಂತದ ವಿರುದ್ಧ. ಆದರೆ ಬಿಜೆಪಿಯವರಿಗೆ ಒಡೆದು ಆಳುವುದು ರೂಢಿ ಎಂದರು.

ನ. 30ರಂದು ಪಕ್ಷದ ಮುಖಂಡರ ಸಭೆ ನಡೆಯಲಿದೆ. ಆ ವೇಳೆ ಸರ್ಕಾರದ ನಡೆಯ ಬಗ್ಗೆ ಚರ್ಚೆ ನಡೆಸುತ್ತೇವೆ ಎಂದು ತಿಳಿಸಿದರು.