ಕುಮಟಾ | ಬೆಂಕಿ ಅವಘಡ: ₹ 7.70 ಲಕ್ಷ ಹಾನಿ

ಕುಮಟಾ: ಪಟ್ಟಣ ಸಮೀಪದ ವನ್ನಳ್ಳಿ ಹನೀಫಾ ಲಂಗಾಡೋ ಎನ್ನುವವರ ಮನೆಯಲ್ಲಿ ವಿದ್ಯುತ್ ಶಾರ್ಟ್ ಸರ್ಕಿಟ್‌ ಉಂಟಾಗಿ ₹ 7 ಲಕ್ಷ ಹಾನಿ ಸಂಭವಿಸಿದೆ ಎಂದು ತಹಶೀಲ್ದಾರ್ ಕೃಷ್ಣ ಕಾಮಕರ್ ತಿಳಿಸಿದ್ದಾರೆ.

ಮನೆಯಲ್ಲಿದ್ದ ₹ 3.45 ಲಕ್ಷ ಮೌಲ್ಯದ ಮೂರು ಮೀನುಗಾರಿಕಾ ದೋಣಿ, ವಾಷಿಂಗ್ ಮಷಿನ್, ಸೋಲಾರ್ ಪ್ಯಾನಲ್ ಬೆಂಕಿಗಾಹುತಿಯಾಗಿವೆ ಎಂದು ಮಾಹಿತಿ ನೀಡಿದ್ದಾರೆ.

ತಾಲ್ಲೂಕಿನ ಗೋಕರ್ಣದ ಬೇಲೆಹಿತ್ತಲ ಈಶ್ವರ ಅಂಬಿಗ ಎನ್ನುವವರ ಮೀನುಗಾರಿಕಾ ಬಲೆಗಳು ಬೆಂಕಿಗಾಹುತಿಯಾಗಿ ಸುಮಾರು ₹ 70 ಸಾವಿರ ಹಾನಿ ಸಂಭವಿಸಿದೆ. ಮಣಕಿ ಗ್ರಾಮದ ಮೂರೂರು ರಸ್ತೆಯ ಗುಡ್ಡದಲ್ಲಿ ನೈಸರ್ಗಿಕವಾಗಿ ಬೆಳೆದ ಸುಮಾರು 30 ಎಕರೆ ಒಣ ಹುಲ್ಲು (ಕರಡ) ಬೇಣಕ್ಕೆ ಬೆಂಕಿ ತಗಲಿ ಹಾನಿಯಾಗಿದೆ. ಸ್ಥಳೀಯ ಅಗ್ನಿಶಾಮಕ ದಳ ಬೆಂಕಿ ಆರಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಅವರು ತಿಳಿಸಿದ್ದಾರೆ.