ಯಲ್ಲಾಪುರ: ಮನೆ ಗೋಡೆ ಕುಸಿತ

ಯಲ್ಲಾಪುರ: ಪಟ್ಟಣದ ಮಂಜುನಾಥ ನಗರದಲ್ಲಿ ಮಂಗಳವಾರ ರಾತ್ರಿ ಸುರಿದ ಭಾರಿ ಮಳೆಯ ಪರಿಣಾಮ ಬುಧವಾರ ಬೆಳಿಗ್ಗೆ ಹಳೆ ಮನೆಯೊಂದರ ಗೋಡೆ ಕುಸಿದು ಪಕ್ಕದಲ್ಲಿಯೇ ನೂತನವಾಗಿ ನಿರ್ಮಾಣ ಹಂತದಲ್ಲಿದ್ದ ಮನೆಯ ಗೋಡೆಮೇಲೆ ಬಿದ್ದಿದೆ.

ಭೀಮವ್ವ ಬೋವಿ ವಡ್ಡರ್ ಎಂಬುವವರ ಹಳೆಯ ಮನೆಯ ಗೋಡೆ ಕುಸಿದು ಪಕ್ಕದಲ್ಲಿ ನಿರ್ಮಿಸುತ್ತಿರುವ ಮಣಿಕಂಠ ಉಣಕಲ್ ಎಂಬುವರ ಮನೆ ಗೋಡೆಯ ಮೇಲೆ ಬಿತ್ತು. ಪರಿಣಾಮ ಆ ಗೋಡೆಯು ಕುಸಿದಿದೆ. ಯಾವುದೇ ಅವಘಡ ಸಂಭವಿಸಿಲ್ಲ.