ಹೊಸಪೇಟೆ | ಸರಕು ಸಾಗಣೆ ವಾಹನದಲ್ಲಿ ಜನ ಪ್ರಯಾಣ: ಆರು ಪ್ರಕರಣ ದಾಖಲು

ಹೊಸಪೇಟೆ (ವಿಜಯನಗರ): ಸರಕು ಸಾಗಿಸುವ ವಾಹನದಲ್ಲಿ ಕಾನೂನು ಮೀರಿ ಜನರನ್ನು ಕೊಂಡೊಯ್ಯುತ್ತಿದ್ದ ವಾಹನ ಮಾಲೀಕರ ವಿರುದ್ಧ ಆರ್‌ಟಿಒ ಅಧಿಕಾರಿಗಳು ಆರು ಪ್ರಕರಣ ದಾಖಲಿಸಿದ್ದಾರೆ.

‘ರಾಷ್ಟ್ರೀಯ ಹೆದ್ದಾರಿ 50ರ ಚೆಕ್‌ಪೋಸ್ಟ್ ಬಳಿ ಆರ್‌ಟಿಒ ಅಧಿಕಾರಿಗಳು ವಾಹನ ತಡೆದು ಪರಿಶೀಲಿಸಿದಾಗ, ಒಳಗೆ ಜನರನ್ನು ಸಾಗಿಸಲಾಗಿತ್ತಿತ್ತು. ಹೊಸಪೇಟೆ ನೋಂದಣಿ ಸಂಖ್ಯೆ ಹೊಂದಿದ ಸರಕು ವಾಹನ ಮುನಿರಾಬಾದ್‌ನಿಂದ ಕಲ್ಲಹಳ್ಳಿ ಕಡೆಗೆ ಪ್ರಯಾಣಿಸುತ್ತಿತ್ತು. ವಶಕ್ಕೆ ಪಡೆದು ಒಟ್ಟು 6 ಪ್ರಕರಣಗಳನ್ನು ದಾಖಲಿಸಿಕೊಳ್ಳಲಾಗಿದೆ. ಕಳೆದ ಮೂರು ದಿನಗಳಿಂದ ಕಾರ್ಯಾಚರಣೆ ನಡೆಸಲಾಗುತ್ತಿದ್ದು, ಒಟ್ಟು 22 ಪ್ರಕರಣ ದಾಖಲಿಸಿ ₹1.68 ಲಕ್ಷ ದಂಡ ವಿಧಿಸಲಾಗಿದೆ’ ಎಂದು ಪ್ರಾದೇಶಿಕ ಸಾರಿಗೆ ಅಧಿಕಾರಿ ವಸಂತ್ ಚವ್ಹಾಣ್ ತಿಳಿಸಿದ್ದಾರೆ.