ಒಂಬತ್ತು ದಿನದೊಳಗೆ ಒಂದೇಕುಟುಂಬದ ಮೂವರ ಸಾವು

ಹೊಸಪೇಟೆ(ವಿಜಯನಗರ): ಒಂಬತ್ತು ದಿನಗಳ ಅಂತರದೊಳಗೆ ಒಂದೇ ಕುಟುಂಬದ ಮೂವರು ನಗರದಲ್ಲಿ ಮೃತಪಟ್ಟಿದ್ದಾರೆ.

ಒಂಬತ್ತು ದಿನಗಳ ಹಿಂದೆ ನಗರದ ಸೋವಿಯೊ ಸ್ಮಿತ್‌ ನಿಧನರಾಗಿದ್ದರು. ಅದರ ಮರುದಿನ ಅವರ ಹಿರಿಯ ಸಹೋದರಿ, ಸಮಾಜ ಸೇವಕಿ ಕ್ಯಾರೋಲಿನ್ ಲೂಸಿಯಾ ಸ್ಮಿತ್ ಮರಣ ಹೊಂದಿದ್ದರು. ಇಬ್ಬರು ಕೋವಿಡ್‌ನಿಂದ ಮೃತಪಟ್ಟಿದ್ದರು.

ಇಬ್ಬರು ಮಕ್ಕಳ ಅಗಲಿಕೆಯ ನೋವಿನಿಂದ ಶುಕ್ರವಾರ ರಾತ್ರಿ ಬೇರಿ ಸ್ಮಿತ್‌ (72) ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಶನಿವಾರ ಅವರ ಅಂತ್ಯಕ್ರಿಯೆ ನೆರವೇರಿಸಲಾಯಿತು.