‘ಶಿಕ್ಷಣದಿಂದ ಸಮಾಜದ ಅಭಿವೃದ್ಧಿ’

ಚಡಚಣ: ‘ಬಾಬಾಸಾಹೇಬ್‌ ಅಂಬೇಡ್ಕರ್‌ ಆಶಯದಂತೆ ಮಕ್ಕಳಿಗೆ ಉತ್ತಮ ಶಿಕ್ಷಣ ನೀಡಿದಾಗ ಮಾತ್ರ ಸಮಾಜದ ಅಭಿವೃದ್ಧಿ ಸಾಧ್ಯ’ ಎಂದು ನಾಗಠಾಣ ಶಾಸಕ ವಿಠ್ಠಲ ಕಟಕಧೋಂಡ ಹೇಳಿದರು.

ಸಮೀಪದ ಧೂಳಖೇಡ-ಶಿರನಾಳ ಗ್ರಾಮದ ನಡುವೆ ಬಿ.ಆರ್. ಅಂಬೇಡ್ಕರ್‌ ಸರ್ಕಾರಿ ಮೆಟ್ರಿಕ್ ಪೂರ್ವ ಬಾಲಕರ ವಸತಿ ನಿಲಯ ನಿರ್ಮಾಣಕ್ಕೆ ಮಂಗಳವಾರ ಭೂಮಿಪೂಜೆ ನೇರವೇರಿಸಿ ಅವರು ಮಾತನಾಡಿದರು.

ಸಮಾಜ ಕಲ್ಯಾಣ ಇಲಾಖೆ ಸಹಾಯಕ ನಿರ್ದೇಶಕ ಉಮೇಶ ಲಮಾಣಿ ಪ್ರಾಸ್ತಾವಿಕವಾಗಿ ಮಾತನಾಡಿ, ‘ಎಸ್‌ಸಿ, ಎಸ್‌ಟಿ ಹಾಗೂ ಹಿಂದುಳಿದ ಜನಾಂಗದವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಗತಿಗೆ ಸರ್ಕಾರ ಹಲವಾರು ಸೌಲಭ್ಯ ನೀಡುತ್ತಿದೆ. ಅದನ್ನು ಸದುಪಯೋಗಪಡಿಸಿಕೊಂಡು ಭವಿಷ್ಯ ರೂಪಿಸಿಕೊಳ್ಳಬೇಕು. ವಸತಿ ನಿಲಯ ನಿರ್ಮಾಣಕ್ಕಾಗಿ ಸುಮಾರು ₹5.27 ಕೋಟಿ ಅನುದಾನ  ಮಂಜೂರಾತಿಗೆ ಸರ್ಕಾರ ಒಪ್ಪಿಗೆ ನೀಡಿದೆ’ ಎಂದರು.

ಗ್ರಾಮ ಪಂಚಾಯ್ತಿ ಅಧ್ಯಕ್ಷ ದಿಲೀಪ ಶಿವಶರಣ, ಸುರೇಶಗೌಡ ಪಾಟೀಲ, ಮುಖಂಡರಾದ ಬಾಬಸಾಹೇಬ ವಿಜಯದಾರ, ಗ್ರಾ.ಪಂ. ಸದಸ್ಯರಾದ ಕಲ್ಲಪ್ಪ ಗುಮತೆ, ರಾಘವೇಂದ್ರ ವಾಲಿಕಾರ, ಹಣಮಂತ ಧೂಳಖೇಡ, ಶ್ರೀಶೈಲ ನಿಲೂರೆ, ಶಂಕರ ಭೈರಗೊಂಡ, ರಾಜಕುಮಾರ ಕಾಳೆ, ಸುರೇಶ ಹಳ್ಳಿ, ಗಜಾನಂದ ಬಿರಾದಾರ, ಗಣಪತಿ ಬಿರಾದಾರ, ಬಂದೇನವಾಜ ಮುಲ್ಲಾ, ವಾರ್ಡನ ಸಂಗನಬಸು ನಾಗಣಸೂರ, ಗುತ್ತಿಗೆದಾರ ಗೋವಿಂದ ಇದ್ದರು.

Quote - ವಿಜಯಪುರ ಜಿಲ್ಲೆಗೆ 371 ಜೆ ಸ್ಥಾನಮಾನ ನೀಡಬೇಕೆಂದು ಮುಖ್ಯಮಂತ್ರಿ ಗಮನಕ್ಕೆ ತಂದಿದ್ದೇನೆ. ಮುಂದಿನ ದಿನಗಳಲ್ಲಿ ಹೋರಾಟದ ರೂಪುರೇಷ ರೂಪಿಸಲು ಯುವಕರು ಕೈಜೊಡಿಸಬೇಕು ವಿಠ್ಠಲ ಕಟಕಧೋಂಡ ಶಾಸಕ