ಇಬ್ರಾಹಿಂಪುರದಲ್ಲಿ ಮನೆ ಚಾವಣಿ ಕುಸಿತ

ವಿಜಯಪುರ: ನಗರ ಸೇರಿದಂತೆ ಜಿಲ್ಲೆಯ ವಿವಿಧೆಡೆ ಸೋಮವಾರ ರಾತ್ರಿ ಹಾಗೂ ಮಂಗಳವಾರ ಗುಡುಗು ಸಹಿತ ಧಾರಾಕಾರ ಮಳೆಯಾಗಿದೆ.

ವಿಜಯಪುರ ನಗರದ ಇಬ್ರಾಹಿಂಪುರ ಬಡಾವಣೆಯಲ್ಲಿ ಮನೆಯೊಂದರ ಚಾವಣಿ ಕುಸಿತವಾಗಿದೆ. ಮನೆಯಲ್ಲಿದ್ದ ವೃದ್ಧೆ ಇಂದಿರಾಬಾಯಿ ಈ ಸಂದರ್ಭದಲ್ಲಿ ಮುಂಭಾಗದ ಕೋಣೆಯಲ್ಲಿ ಮಲಗಿದ್ದ ಕಾರಣ ಯಾವುದೇ ಅಪಾಯವಾಗಿಲ್ಲ.

ಹಿಂಗಾರಿ ಬಿತ್ತನೆಗೆ ಮಳೆಯಿಂದ ಅನುಕೂಲವಾಗಿದೆ. ಆದರೆ, ಕೊಯ್ಲಿಗೆ ಬಂದಿರುವ ಸೂರ್ಯಕಾಂತಿ, ಗೋವಿನ ಜೋಳ, ಈರುಳ್ಳಿ, ಶೇಂಗಾ ಬೆಳೆಗೆ ಸಮಸ್ಯೆಯಾಗಿದೆ. ಅಲ್ಲದೇ, ದ್ರಾಕ್ಷಿ ಚಾಟ್ನಿಗೂ ಅನಾನುಕೂಲವಾಗಿದೆ.

ಬಸವನ ಬಾಗೇವಾಡಿ ಪಟ್ಟಣದಲ್ಲಿ ಅತ್ಯಧಿಕ ಅಂದರೆ, 48.9 ಮಿ.ಮೀ. ಮಳೆಯಾಗಿದೆ. ಉಳಿದಂತೆವಿಜಯಪುರ 33.2, ನಾಗಠಾಣ 10.6, ಭೂತನಾಳ 17.6, ಹಿಟ್ನಳ್ಳಿ 15.6, ತಿಕೋಟಾ 9.2, ಕುಮಟಗಿ 2.2, ನಾದ ಬಿ ಕೆ 22, ಕಡ್ಲೆವಾಡ 21, ದೇವರಹಿಪ್ಪರಗಿ 17.4,ಮನಗೂಳಿ 1.1, ಹೂವಿನ ಹಿಪ್ಪರಗಿ 6.6, ಮಟ್ಟಿಹಾಳ 12.6, ಹೊರ್ತಿ 4, ಚಡಚಣ 4, ಢವಳಗಿ 1.8, ಸಿಂದಗಿ 2.5, ಆಲಮೇಲ 5.5, ರಾಮನಹಳ್ಳಿ 4.2 ಮಿ.ಮೀ.ಮಳೆಯಾಗಿದೆ.