ಹಾಡಹಗಲೇ ಮಹಿಳೆಯ ಕೊಲೆ

ವಿಜಯಪುರ: ತನ್ನೊಟ್ಟಿಗೆ ಅನೈತಿಕ ಸಂಬಂಧ ಹೊಂದಿದ್ದ ಗೃಹಿಣಿಯನ್ನೇ, ವ್ಯಕ್ತಿಯೊಬ್ಬ ಹಾಡಹಗಲೇ ಕಟ್ಟಿಗೆಯಿಂದ ಬಡಿದು ನಗರದ ಪೇಟೆ ಬಾವಡಿಯಲ್ಲಿ ಗುರುವಾರ ಕೊಲೆಗೈದಿದ್ದಾನೆ.

ಪೇಟೆ ಬಾವಡಿಯ ಹೀನಾ ಪಟೇಲ (28) ಕೊಲೆಯಾದ ವಿವಾಹಿತ ಮಹಿಳೆ. ಸಾಧಿಕ್ ಕೊಡತಿ ಎಂಬಾತನೇ ಕೊಲೆಗೈದ ಆರೋಪಿ.

‘ಇವರಿಬ್ಬರ ನಡುವೆ ಅನೈತಿಕ ಸಂಬಂಧವಿತ್ತು. ವೈಮನಸ್ಸಿನಿಂದ ಸಾಧಿಕ್ ಹೀನಾ ಮೇಲೆ ಕಟ್ಟಿಗೆಯಿಂದ ಮನಸೋ ಇಚ್ಚೆ ಬಡಿದಿದ್ದಾನೆ. ಬಲವಾದ ಪೆಟ್ಟುಗಳು ಬಿದ್ದುದರಿಂದ ಹೀನಾ ಸ್ಥಳದಲ್ಲೇ ಮೃತಪಟ್ಟಿದ್ದಾಳೆ. ಈಕೆಯ ಸಾವು ಖಚಿತಗೊಂಡ ಬಳಿಕ, ಸಾಧಿಕ್ ನೇರವಾಗಿ ಪೊಲೀಸ್ ಠಾಣೆಗೆ ಬಂದು ಶರಣಾಗಿದ್ದಾನೆ’ ಎಂದು ಗೋಳಗುಮ್ಮಟ ಪೊಲೀಸರು ‘ಪ್ರಜಾವಾಣಿ’ಗೆ ತಿಳಿಸಿದರು.