ವಿಜಯಪುರ: ಚಾಕು, ಮಚ್ಚಿನಿಂದ ಇರಿದು ಸ್ಟಾಪ್‌ ನರ್ಸ್‌ ಕೊಲೆ

ವಿಜಯಪುರ: ಎಸ್‌.ಎಸ್‌.ಕಾಂಪ್ಲೆಕ್ಸ್‌ನಲ್ಲಿರುವ ‘ಅಮರ ವರ್ಷಿಣಿ’ ಸಹಕಾರಿ ಬ್ಯಾಂಕಿನ ಆವರಣದಲ್ಲಿ ಸೋಮವಾರ ಮಧ್ಯಾಹ್ನ 12.30ರ ಸುಮಾರಿಗೆ ಗ್ಯಾಂಗ್‌ ಬಾವಡಿ ಪ್ರದೇಶದ ಶಿಂಧೆ ಕಾಲೋನಿಯ ಓಂ ಗಣಪತಿ ಗುಡಿಯ ಬಳಿ ನಿವಾಸಿಯಾಗಿದ್ದ, ಬಿಎಲ್‌ಡಿಇ ಆಸ್ಪತ್ರೆಯ ಸ್ಟಾಫ್‌ ನರ್ಸ್‌ ಸುಶೀಲ್‌ ಕುಮಾರ ಕಾಳೆ(39) ಅವರನ್ನು ದುಷ್ಕರ್ಮಿಗಳು ಚಾಕು, ಮಚ್ಚಿನಿಂದ ಇರಿದು ಕೊಲೆ ಮಾಡಿ ಪರಾರಿಯಾಗಿದ್ದಾರೆ.

ದುಷ್ಕರ್ಮಿಗಳು ಕಾಳೆಯ ಎರಡು ಕೈ, ಕುತ್ತಿಗೆ ಹಾಗೂ ಎದೆಯ ಹತ್ತಿರ ಇರಿದು ತೀವ್ರವಾಗಿ ಗಾಯಗೊಳಿಸಿದ್ದು, ತಕ್ಷಣ ಅವರನ್ನು ಬಿಎಲ್‌ಡಿಇ ಆಸ್ಪತ್ರೆಗೆ ದಾಖಲಿಸಲಾಯಿತು. ಚಿಕಿತ್ಸೆಗೆ ಸ್ಪಂದಿಸದೇ ಸಾವಿಗೀಡಾದರು. ಈ ಕುರಿತು ಗಾಂಧಿ ಚೌಕಿ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ದುಷ್ಕರ್ಮಿಗಳ ಪತ್ತೆಗೆ ಪೊಲೀಸರು ಬಲೆ ಬೀಸಿದ್ದಾರೆ.