ವಿಜಯಪುರ: ಕೋವಿಡ್-19‌ ಸೋಂಕಿತರ ಸಂಖ್ಯೆ ಶತಕದತ್ತ

ವಿಜಯಪುರ: ಮಹಾರಾಷ್ಟ್ರದಿಂದ ಜಿಲ್ಲೆಗೆ ಬಂದಿರುವ 11 ಜನ ಕೂಲಿಕಾರ್ಮಿಕರಲ್ಲಿ ಶನಿವಾರ ಕೋವಿಡ್‌-19 ಸೋಂಕು ದೃಢವಾಗಿದ್ದು, ಈ ಮೂಲಕ ಸೋಂಕಿತರ ಸಂಖ್ಯೆ 96ಕ್ಕೆ ಏರಿಕೆಯಾಗಿದೆ.

ಸಾಂಸ್ಥಿಕ ಕ್ವಾರಂಟೈನ್‌ನಲ್ಲಿ ಇದ್ದ 14 ವರ್ಷದ ಬಾಲಕಿ ಸೇರಿದಂತೆ ನಾಲ್ವರು ಮಹಿಳೆಯರಿಗೆ ಹಾಗೂ 15 ವರ್ಷದ ಬಾಲಕ ಸೇರಿದಂತೆ ಏಳು ಜನ ಪುರುಷರಿಗೆ ಸೋಂಕು ದೃಢವಾಗಿದೆ.

ಸೋಂಕಿತರ ಸಂಖ್ಯೆ ಶತಕದ ಗಡಿ ಸಮೀಪಿಸಿದ್ದು, ಈಗಾಗಲೇ ಸೋಂಕಿತ ಐವರು ಸಾವಿಗೀಡಾಗಿದ್ದಾರೆ. 54 ಜನ ಗುಣಮುಖರಾಗಿದ್ದಾರೆ. 37 ಜನ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.