ಅಧಿಕಾರಿಗಳ ದ್ವಂದ್ವ ನಿಲುವು: ರೈತರಿಗೆ ಸಂಕಷ್ಟ

ಕೆಂಭಾವಿ: ಬೇಸಿಗೆ ಬೆಳೆ ಬೆಳೆಯಲು  ಕೃಷ್ಣಾ ಅಚ್ಚುಕಟ್ಟು ಪ್ರದೇಶ ನಾರಾಯ­ಣಪುರ ಎಡದಂಡೆ ಕಾಲುವೆಗೆ ಮಾ.10ರ ವರೆಗೆ ನೀರು ಹರಿಸುವು­ದಾಗಿ ತಿಳಿಸಿದ್ದರೂ, ಇದೀಗ ಮಾ.1 ರಿಂದಲೇ ನೀರು ಸ್ಥಗಿತಗೊಳಿಸಿರುವುದು ರೈತರ ಆಕ್ರೋಶಕ್ಕೆ ಕಾರಣವಾಗಿದೆ.

ನೀರಾವರಿ ಸಲಹಾ ಸಮಿತಿ ತೀರ್ಮಾ­ನದಂತೆ ಮಾ.10ರ ವರೆಗೆ ನೀರು ಹರಿಸಬೇಕು. ಅದರಂತೆ ಪ್ರತಿ ತಿಂಗಳು ವಾರಾಬಂದಿ ಕೂಡಾ ಮಾಡ­ಲಾಯಿತು. ಮಾರ್ಚ್‌ ಅಂತ್ಯದವರೆಗೆ ನೀರು ಹರಿಸಿದರೆ ಮಾತ್ರ ರೈತರಿಗೆ ಅನುಕೂಲವಾಗಲಿದೆ. ಆದರೆ, ಮಾ.1 ರಂದೇ ಕಾಲುವೆಗೆ ನೀರು ಸ್ಥಗಿತಗೊಳಿ­ಸಿದ್ದರಿಂದ ರೈತರಲ್ಲಿ ಆತಂಕ ಮೂಡಿದೆ.

ಸದ್ಯ ಈ ಪ್ರದೇಶದಲ್ಲಿ ಅಕಾಲಿಕ ಮಳೆಯಾಗಿರುವುದರಿಂದ ಕಾಲುವೆಗೆ ನೀರು ವ್ಯರ್ಥವಾಗಿ ಹರಿಸಬಾರದೆಂದು ಸ್ಥಗಿತಗೊಳಿಸಿರುವುದಾಗಿ ತಿಳಿದು ಬಂದಿದೆ. ಆದರೆ, ಈ ಕ್ರಮ ಎಲ್ಲಿಯ­ವರೆಗೆ ಎಂಬುದನ್ನು ಮಾತ್ರ ಅಧಿ­ಕಾರಿಗಳು ಸ್ಪಷ್ಟಪಡಿಸುತ್ತಿಲ್ಲ.

ನವೀಕ­ರಣ ಕಾಮಗಾರಿ ಕೈಗೊಳ್ಳುತ್ತಿರುವ ಗುತ್ತಿಗೆದಾರರ ಒತ್ತಡಕ್ಕೆ ಮಣಿದು ಅಧಿಕಾರಿಗಳು ದ್ವಂದ್ವ ನಿಲುವು ತೆಗೆದುಕೊಳ್ಳುತ್ತಿದ್ದಾರೆ ಎಂದು ರೈತ ನಾಗಪ್ಪ ತೆಗ್ಗೆಳ್ಳಿ ದೂರಿದ್ದಾರೆ. ಸರ್ಕಾರ ರೈತರ ಹಿತ ಕಾಪಾಡಲು ಮಾರ್ಚ್‌ ಅಂತ್ಯದವರೆಗೆ ನೀರು ಹರಿಸುವಂತೆ ಅವರು ಒತ್ತಾಯಿಸಿದ್ದಾರೆ.

ನಾರಾಯಣಪುರ ಎಡದಂಡೆ ಕಾಲುವೆ ಹಾಗೂ ಶಾಖಾ ಕಾಲುವೆ­ಗಳು ಪದೇ ಪದೇ ಕುಸಿಯುತ್ತಿರು­ವುದ­ರಿಂದ ಯಾದಗಿರಿ, ಗುಲ್ಬರ್ಗ ಮತ್ತು ವಿಜಾಪುರ ಜಿಲ್ಲೆಗಳ ರೈತರು ಸಂಕಷ್ಟ ಅನುಭವಿಸುವಂತಾಗಿದೆ. ಶಾಶ್ವತ ದುರ­ಸ್ತಿ­ಗಾಗಿ ಕೇಂದ್ರ ಸರ್ಕಾರ ₨3,752 ಕೋಟಿ ಅನುದಾನ ನೀಡಿದೆ. ಅದರಲ್ಲಿ ಮೊದಲ ಹಂತದಲ್ಲಿ ₨1,500 ಕೋಟಿ ಕಾಮಗಾರಿಯ ಟೆಂಡರ್‌ ಕರೆದಿದ್ದು. ಲೈನಿಂಗ್ ಕಾಮ­ಗಾರಿ ಕೈಗೊಳ್ಳ­ಲಾ­ಗಿದೆ. ಈ ಕಾಮ­ಗಾರಿಯನ್ನು ಪ್ಯಾಕೇಜ್‌­ಗಳಲ್ಲಿ ಟೆಂಡರ್ ಕರೆಯಲಾಗಿದ್ದು, 90 ದಿನ­ದಲ್ಲಿ ಕಾಮಗಾರಿ ಮುಗಿಸಲು ಗುತ್ತಿ­­­ಗೆ­­ದಾರರಿಗೆಗಡುವು ನೀಡಲಾಗಿದೆ.

ಗುಣಮಟ್ಟದ ಕಾಮಗಾರಿಗೆ ಆಗ್ರಹ: ಎಡದಂಡೆ ನಾಲೆಗೆ ಈ ವರ್ಷ ಬೇಸಿಗೆ ಬೆಳೆಗೆ ನೀರು ಬಿಡದ ಕಾರಣ ನೀರಾ­ವರಿ ಪ್ರದೇಶದಲ್ಲಿ ಭತ್ತದ ನಾಟಿ ಮಾಡಿಲ್ಲ. ಕಾಲುವೆ ನವೀಕರಣ ಕಾಮಗಾರಿ 90 ದಿನಗಳಲ್ಲಿ ಮುಗಿಯ­ಬೇಕು. ಆದರೆ, 90 ದಿನಗಳಲ್ಲಿ ಮಾಡಿ ಮುಗಿಸುವ ಕಾಮಗಾರಿಯನ್ನು ಗುಣ­ಮಟ್ಟದಿಂದ ಮಾಡಬೇಕು ಎಂದು ಬಿಜೆಪಿ ಯುವ ಮೋರ್ಚಾ ವಲಯ ಘಟಕದ ಅಧ್ಯಕ್ಷ  ನಾಗರಡ್ಡಿ ಅಮ್ಮಣ್ಣ ದೊರಿ ಒತ್ತಾಯಿಸಿದ್ದಾರೆ.