ಶಹಾಪುರ: ವನದುರ್ಗದಲ್ಲಿ ಮತದಾನ ಮತ್ತೆ ಆರಂಭ

ಯಾದಗಿರಿ: ಜಿಲ್ಲೆಯ ಶಹಾಪುರ ತಾಲ್ಲೂಕಿನ ವನದುರ್ಗ ಗ್ರಾಮದ 20, 21 ನೇ ಮತಗಟ್ಟೆಯಲ್ಲಿ ಮತದಾನ ಮತ್ತೆ ಆರಂಭವಾಯಿತು.

20 ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 7 ಗಂಟೆಯಿಂದ 11 ಗಂಟೆವರೆಗೆ 905 ಮತದಾರರಲ್ಲಿ 207 ಜನ ಮತದಾನ ಮಾಡಿದ್ದರು.

21 ನೇ ಮತಗಟ್ಟೆಯಲ್ಲಿ ಬೆಳಿಗ್ಗೆ 7 ಗಂಟೆಯಿಂದ 15 ನಿಮಿಷ ಮತದಾನ ನಡೆದಿತ್ತು. 690 ಮತದಾರರಲ್ಲಿ 6 ಜನ ಮತದಾನ ಮಾಡಿದ್ದರು. ನಂತರ ಮತದಾರರ ಪಟ್ಟಿ ಗೊಂದಲದಿಂದ ಮತದಾನ ಬಹಿಷ್ಕರಿಸಿದ್ದರು.

ಉಪವಿಭಾಗಾಧಿಕಾರಿ ಶಂಕರಗೌಡ ಸೋಮನಾಳ, ಶಹಾಪುರ ತಾಲ್ಲೂಕು ನೋಡಲ್ ಅಧಿಕಾರಿ ರಾಜು ಗ್ರಾಮಕ್ಕೆ ಭೇಟಿ ನೀಡಿ ಮತದಾರರಿಗೆ ತಿಳಿವಳಿಕೆ ನೀಡಿದರು.

ವಾರ್ಡ್ ಸಂಖ್ಯೆ ಮೂರರಲ್ಲಿ 1,200 ಕ್ಕಿಂತ ಹೆಚ್ಚು ಮತದಾರರಿದ್ದರು. ಹೀಗಾಗಿ ಹೆಚ್ಚುವರಿ ಬೂತ್ ಗಳನ್ನು ಮಾಡಿದ್ದರು. ಇದನ್ನು ಖಂಡಿಸಿ ಮತದಾನ ಬಹಿಷ್ಕಾರ ಮಾಡಿದ್ದರು.