ಯಾದಗಿರಿ: ಮದ್ಯ ಮಾರಾಟದ ಎರಡನೇ ದಿನವಾದ ಮಂಗಳವಾರವೂ ಜಿಲ್ಲೆಯಲ್ಲಿ ಭರ್ಜರಿ ಮದ್ಯ ಮಾರಾಟವಾಗಿದೆ. ₹1.50 ಕೋಟಿ ವಹಿವಾಟು ನಡೆದಿದೆ. ಸೋಮವಾರ ಕೇವಲ ಆರು ತಾಸುಗಳಲ್ಲಿ ₹1 ಕೋಟಿ ವಹಿವಾಟು ನಡೆದಿತ್ತು.
ಸಿಎಲ್–2ರಲ್ಲಿ 18,760 ಲೀಟರ್ ಲಿಕ್ಕರ್, ಸಿಎಲ್–11ರಲ್ಲಿ 4,851 ಲಿಕ್ಕರ್,ಸಿಎಲ್–02ರಲ್ಲಿ 6,604 ಲೀಟರ್ ಬಿಯರ್, ಸಿಎಲ್–11ರಲ್ಲಿ 1,463 ಲೀಟರ್ ಬಿಯರ್ ಮಾರಾಟವಾಗಿದೆ.
ಇದರಿಂದ ಎರಡೇ ದಿನದಲ್ಲಿ ₹2.50 ಕೋಟಿ ವಹಿವಾಟು ನಡೆದಂತಾಗಿದೆ.
‘ಜಿಲ್ಲೆಯಲ್ಲಿ ಮಂಗಳವಾರವೂ ಸರಾಗವಾಗಿ ಮದ್ಯ ಮಾರಾಟ ನಡೆದಿದೆ. ಬುಧವಾರದಿಂದ ಹೊಸ ಸ್ಟಾಕ್ ಬರಲಿದೆ. ಆಗ ಸರ್ಕಾರಕ್ಕೆ ಲಾಭದ ಬಗ್ಗೆ ತಿಳಿದು ಬರಲಿದೆ. ಎರಡು ದಿನಗಳಲ್ಲಿ ಮಾರಾಟವಾಗಿರುವುದು ಲಾಕ್ಡೌನ್ಗಿಂತ ಮುಂಚಿತವಾಗಿ ಸಂಗ್ರಹ ಇರುವುದಾಗಿದೆ. ಹೀಗಾಗಿ ಇದು ಸರ್ಕಾರಕ್ಕೆ ಲಾಭದ ಪ್ರಶ್ನೆ ಬರುವುದಿಲ್ಲ ಎಂದು ಅಬಕಾರಿ ಪ್ರಭಾರಿ ಉಪ ಆಯುಕ್ತೆ ಶಶಿಕಲಾ ಒಡೆಯರ್ ‘ಪ್ರಜಾವಾಣಿ’ ಗೆ ತಿಳಿಸಿದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.