ಸುರಪುರ: ‘ಮ್ಯಾನ್‌ಹೋಲ್‌’ ಮುಚ್ಚಳ ದುರಸ್ತಿಗೆ ಒತ್ತಾಯ

ಸುರಪುರ: ನಗರದ ಬಸ್‍ನಿಲ್ದಾಣದ ಪ್ರವೇಶ ದ್ವಾರದಲ್ಲಿ ಇರುವ ದೊಡ್ಡ ಮ್ಯಾನ್‍ಹೋಲ್‍ನ ಕಬ್ಬಿಣದ ಸರಳುಗಳು ಕಿತ್ತು ಹೋಗಿದ್ದು, ಅಪಾಯವನ್ನು ಆಹ್ವಾನಿಸುತ್ತಿದೆ.

ಮ್ಯಾನ್‌ಹೋಲ್‌ ಕೆಳಗೆ 10 ಅಡಿಗಳಷ್ಟು ಆಳವಿದೆ. ಪ್ರಯಾಣಿಕರು, ದನ, ಕರು ಸಲೀಸಾಗಿ ಕೆಳಗೆ ಬೀಳುವ ಸಾಧ್ಯತೆ ಇದೆ. ಈ ಪ್ರದೇಶದಲ್ಲಿ ಪ್ರಯಾಣಿಕರು, ನಾಗರಿಕರು ಹೆಚ್ಚಿನ ಸಂಖ್ಯೆಯಲ್ಲಿ ತಿರುಗಾಡುತ್ತಾರೆ. ದ್ವಿಚಕ್ರ ವಾಹನಗಳೂ ಓಡಾಡುತ್ತವೆ. ಹೀಗಾಗಿ ಅಪಾಯ ಸಂಭವಿಸುವ ಮುನ್ನ ಮ್ಯಾನ್‍ಹೋಲ್‌ ಮುಚ್ಚಳ ದುರಸ್ತಿ ಮಾಡಬೇಕು.

ರಾಘವೇಂದ್ರ ಭಕ್ರಿ, ವಿಶ್ವನಾಥ ಹೊಸಮನಿ, ಸ್ಥಳೀಯರು